Roni Sinani është nga Gostivari. Ai merret me futboll që nga mosha 7 vjeçare dhe hapat e para i ka filluar te Akademia “KF Gostivari”.
Prej 3 vjetësh është anëtar i Akademisë “KF Shkëndija” Tetovë! Në moshën 15 vjeçare më U15 debuton për Maqedoninë. Në dhjetor të 2018-s merr ftesë nga Republika e Kosovës ndërsa në 2019 nga Shqipëria.
Ka pas ftesë dhe pjesëmarrje për U19 të udhëhequr nga z. Nevil Dede!
Roni është i apasionuar pas futbollit por ka pasion edhe fotomodelingun dhe me të drejtë sepse është mjaft simpatik dhe mund të jetë fare mirë imazh i ndonjë reviste. Me Ronin kemi realizuar një bisedë të këndshme ku ai flet me aq pasion për futbollin sa jam e bindur që do e transmetojë edhe tek ju! Lexim të këndshëm!
Fabjola Kuburi:- Roni si lindi “dashuria” jote për futbollin?
Roni Sinani: – Dashuria për futbollin sigurisht që ka lindur që kur isha fëmijë dhe me kalimin e kohës iu përkushtova më shumë kësaj dashurie.
– Në familjen tënde, ka patur të tjerë që janë marrë me futboll?
– Me futboll jo, s’ka pasur , por babai im është marrë profesionalisht me Handboll.
– Na fol pak për ecurinë tënde në futboll…
– Që në moshën 8 vjeçare lkam filluar të merrem me sport, u regjistrova për herë të parë në AKademia Kf Gostivari dhe deri 15 vjeç kam qëndruar aty, pastaj në KF Shkëndija Tetovë!
– Çfarë do të veçoje nga eksperienca jote e deritanishme?
– Po, interesante u bë kur Akademia Gostivar nga liga e dytë u ngjitën në rangun Elitar! Ishte me të vërtetë arritje.
– Çfarë synon në të ardhmen në karrierë?
– Sigurisht që si çdo n jeri që ka pasion sportin dhe merret me të, synimet e mia janë arritjet e majave më të larta të karrierës time profesionale. Shpresoj që me punë të arrij një gjë të tillë.
– A mendoni se karriera jote e deritanishme ka ecur ashtu siç e kishe ëndërruar më parë?
– Ashtu siç thashë edhe më lart, mendoj se çdo gjë arrihet me punë dhe sakrificë të madhe e këtë do ta them pas disa vitesh!
– Po për Kombëtaren shqiptare, ç’mendim ke në përgjithësi?
– Kombëtarja shqiptare është qëllimi kryesor i çdo futbollisti shqiptar. Është nder dhe krenari të luash me Kombëtaren dhe për Kombëtaren!
– Cila është problematika që të ka “bezdisur” më shumë gjatë karrierës tënde?
– Normalisht që lëndimet janë at oqë besdisin gjatë lojës së një sportisti.
-Ka patur ndonjë moment të keq, deri tani, në rrugën tënde? Po ndonjë moment që do ta veçoje në aspektin pozitiv?
– Moment negativ ka qenë lëndimi para lojës së grumbullimit me përfaqësuesen e Kosovës, kurse moment i paharruar ftesa për Kombëtaren shqiptare.!
– Përveç futbollit, çfarë pasioni tjetër ke?
– Pasion kam fotomodelindgun, është diçka që më pëlqen!
– Cili është futbollisti që do dëshiroje të arrije një karrierë si e tij, një emër që e shikon si idhull?
– Ishulli im në futbollin botëror është Cristiano Ronaldo, kurse për sa i përket karrierës do kisha dashur të ndiqja karrierën e futbollistit nga Gostivari Admir Memedi!
-Kur luan, familja të ndjek në stadium apo vetëm përmes televizionit?
– Familja më ndjek gjithmonë live në stadium!
-Çfarë dëshiron të arrish këtë vit?
– Këtë vit dëshiroj të njëjtat gjëra si vitin që shkoi: Të fitojmë të dy titujt Ligën dhe Kupën e Maqedonisë së veriut!
-Ku e shikon veten pas 10 vjetësh?
– Them se do jem 27 vjeç(Qesh) Normalisht, nëse shkon gjithçka në rregull me shëndetin dhe me punën , mendoj se do jem një futbollist e i realizuar profesionalisht.
-Në fund, ka diçka për të shtuar?
– Për në fund një falenderim të veçantë për ju dhe stafin tuaj për këtë intervistë kaq të bukur. Ju faleminderit dhe suksese për ju!
– Gjithshtu suksese edhe për ty dhe faleminderit për këtë bashkëbisedim kaq të këndshëm!
