– Jam një djalë që prej ca kohësh kam shumë ankth dhe më përzihet. Më kanë thënë që duhet të shkoj te psikiatri, ndaj doja një përgjigje nga neuropsikiatri juaj, kam vertet nevoje te vizitohem? Faleminderit.
Dr.Abaz Quka, neuropsikiatër, Klinika mjekësore “Nertila” Tel: 0696524440:- Përshëndetje zoteri i nderuar, e lexova me vëmendje letrën tuaj dhe e kuptoj shqetësimin tuaj. Duhet ta dini se është e vërtetë se ankthi mund të shkaktojë të përziera e madje edhe të vjella. Por, duhet ta kuptoni se jo gjithmonë ankthi zgjidhet me medikamente. Në moshat e reja, ne mjekët rekomandojmë si fillim metodat natyrale kundër ank thit si psh:
– Evito kafenë apo pijet energjike
– Dëgjo sa më shumë muzike të hareshme ose ritmike
– Mos qeëndro vetëm dhe mundohu të shoqërohesh me njerez të dashur të familjes ose shokë të cilët të bëjnë të ndihesh mirë.
– Bej sa më shumë aktivitet fizik: vrapi në natyrë, ecja, sportet e ndryshme, etj, mund të ndihmojnë njesoj sa medikamentet kundër ankthit.
– Evito qëndrimin në telefon apo përpara TV për orë të zgjatur. Elektronika në kohët moderne është një ndër shkaqet kryesore të izolimit social dhe deprivimit apo ankthit. Nëse këto metoda nuk të ndihmojnë dhe ankthi vazhdon të ndërhyjë vazhdimisht në jetën tuaj të përditshme apo punën tënde, unë do t’ju rekomandoja të konsultoni me një neuropsikiatër.
