Nga Agron Berdaj
Leksioni që studentët po i japin politikisës dhe shoqërisë është i rrallë dhe mbreslënës në të gjitha aspektet ,si të organizimit ,vendosmërisë ,kthjelltësisë ,pavarësisë duke qëndruar sa më lartë indoktrinimeve politike .Aksioni i tyre me sa duket ka për qëllim, jo thjeshtë të plotësojë tetë kërkesat e parashtruara para qeverisë ,por të çlirojë universitetet nga korrupsioni ,nepotizmi ,prostitucioni dhe pushteti burokratik i elitave mësimdhënëse të cilat i kanë kthyer auditoret si pronë private dhe mjete fitimi . Përpëliten si miu në çark qeveria ,opozita dhe vetë shoqëria .
Kryeministri i vendit duke harruar përgjegjësinë e tij ndaj arsimit me një frymëzim romantik thotë se dëshironte që këto ditë të ishte student .Se pa qënë student, por kryeministër sipas tij , nuk mund të zgjidheshin problematikat studentore . Në se do të ndodhte kjo atëherë kush do të ishte kryeministër ,cili do të drejtonte me tuiter e fb ,do të vazhdonte politikat si zgjatim i qeverisjeve të mëparshme ,do të merrej me konçesionet famëkeqe ,do të shkatërronte të majtën shqiptare i frymëzuar nga politika ekstremiste të djathta ,kush do ta ruante statukonë e mjerimit dhe të vuajtjeve vetëm duke hedhur ndonjë thërrime popullit për t’i mbyllur gojën .
Mbi lëvizien studentore janë vërsulur si korba të zeza opozita e vendit .Flet për mjerimin studentor e përfolura si nëna e korrupsionit Moni ,që jeton mes lluksit dhe florinjve ,me shumë prona dhe pasuri përrallore .Moni i dymbëdhjet haleve në vilat e saj ku një të tillë e ka edhe për qentë dhe macet .Ajo flet për studentët e mjeruar shqiptarë ,kur fëmijët e saj nuk preferojnë shkollat shqiptare, por studjojnë në shkollat më të shtrenjta në botë .
Flet për hallet e studentëve edhe mumja e politikës shqiptare Basha duke harruar krimet dhe vrasjet që i ka bërë këtij populli .Harron mjerani se ku e kishte çuar politika e PD-së ,gjëndjen e shkollave të larta ,ku shiteshin dhe bliheshin diploma universitare ,ku shkollat shikoheshin si mjeti më i përshtatshëm për biznes dhe fitime të elitave të korruptuara ,ku ato i trajtonin si bastjone elektorale .Të dështuara janë edhe përpjekjet e bëra nga opozita për t’i bashkangjitur lëvizjes studentore reagimin anemik dhe pa jetë të disa falangave sindikaliste të përdorura si vegla qorre nga politika .Përballë pjekurisë studentore veprime të tilla hipokrite dhe tinzare të opozitës janë parë me përbuzie .
Suksesi i lëvizjes studimore do të jetë i sigurt në se do të paraqitet e denjë si faktor konkurues në negociata me qeverinë dhe faktorët e tjer shoqërorë .Alfa e demokracisë është negocimi dhe debati ,ndaj edhe për këtë , studentët duhet ti japin një mësim tjetër politikës dhe shoqërisë . Ata duhet të frymëzojnë përmbysje të mëdha strukturore ,organizative ,programore ,didaktike dhe mësimdhënëse .Ndërsa bajraktarët dhe qehajajtë e korrupsionit të fakulteteve dhe senateve duhet ti shpien përpara vetingut ku të shpjegojnë llogaritë e fryra dhe të shumta bankare ,të argumentojnë pasuritë maramëndëse , vilat lluksoze qindra mijra eurosh ,makinat lluksoze ,pashallëqet dhe degjenerimin e tyre moral dhe kriminal .Spastrimi i universiteteve nga një llum i tillë duhet të bëhet model se si të çlirohet e gjithë shoqëria e kalbur shqiptare nga politikat kriminale të këtyre të tridhjet vjetëve .Koha është e studentëve , e shpresës dhe e besimit te demokracia e vërtetë .
Agron BERDAJ
