Ndonëse ka ikur që moti kohë nga Kosova në Gjermani, ai tashmë është një biznesmen shumë i suksesshëm që po mban me bukën e gojës mbi 40 punëtorë shumica prej tyre shqiptarë. Biznesmeni Mentor Ptyqaj thotë se është kënaqësi e madhe që të punohet në një vend të huaj me bashkëvendas. Ai madje është shumë aktiv në evenimentet humanitare ku ndihmon me aq sa ka mundësi.
“Jam Mentor Ptyqaj VI nga Deçani i lindur në fshatin Baballoq, që në moshë të re morra rrugën e mërgimit me familjen dhe tani jetoj e vepron në München të Gjermanisë prej viteve të 90-ta. Si çdo emigrant në një shtet të huaj dhe për mua ishte shumë e vështirë jeta në gurbet e me kalimin e kohës u adaptova dhe fillova me punë ku themelova kompaninë A&M Bausanierung GmbH e cila gjendet me seli në Berlin dhe në München, merremi kryesisht me ndërtimtari të shtëpive, hoteleve, sallave sportive dhe një pjesë e madhe e punëtorëve meren me ujësjellës, parket laminat, qeramik dhe gjithçka që i nevojitet një familje e një shtëpie gjendet tek ne. Firma A&M ka gjithësejt 40 puntorë ku prej tyre ka edhe bashkëatdhetarët e mi e një nderr i madh për mua që punoj në një vend të huaj me vellëzerit e mi shqiptarë. Edhe pse shumë i angazhuar me punë kohën e lirë ia kushtoj vendit tim e sa herë më jepet mundësia jam në vendlindje si për pushime edhe për ndihmë të bashkvendasve të mi me mundësitë e mia, kam dëshirë që gjithmonë të jem në mesin e bëmirësve të Jetimave të Ballkanit, jo ndoshta me ndonjë shumë të madhe parashë por me shpirt e mendje e zemër gjithmonë. Kjo është jeta e një shqiptari në një vend të huaj, ‘gurri i rëndë peshon në vend të vet’ unë jetoj prej më shumë se 25 vite në Gjermani por shpirti më flenë vetëm në vendlindje”, shprehet mes tjerave biznesmeni i njohur Ptyqaj.
