– Përshëndetje doktoreshë! Kam një pyetje ose më saktë, disa ankesa që kanë lidhje të tëra me kokën dhe nuk di nga t’ia nis. Unë vuaj prej disa vjetësh nga sinoziti, që më është bërë kronik. Kam dhimbje koke vazhdimisht, marr mjekim dhe më kalon. Pas një viti, më përsëritet. Tani ka disa kohë që më ra gripi dhe më dhembin tëmthat, te veshët gjithashtu kam pak dhimbje, më ushtojnë dhe jam si e hutuar. Nuk kam humbje të ekuilibrit, por siç ju thashë, dhimbje koke, tëmthash, bajamet i kam herë pas here të acaruara dhe tani më ka filluar edhe dhimbja e veshëve. Më thoni, a kanë lidhje të gjitha këto me njëra-tjetrën, më vijnë nga sinusiti apo nga veshët? Më thoni, ç’lloj analizash duhet të bëj dhe ku? Një lexuese e gazetës.
Anjeza Kuçi, otorinolaringologe, PoliklinikaQendrore, tel +355674090843:- Sinuziti kronik siç pacientja referon mund të riakutizohet sa herë kemi mbivendosen e virozave, bllokimin e hundëve dhe sekrecionet nga hundët dhe shenjat klinike janë dhimbja e kokës, sekrecione të verdha apo jeshile nazale apo postnazale pra pas hundës, erë e keqe nga goja, ulje e nuhatjes, ulje e dëgjimit nga bllokimi i kanalit që lidh hundën me veshin, dhimbje e faqeve ndonjëhereë deri te dhëmbët e sipërm. Pacientja duhet të bëjë një CTscan të sinuseve paranasale për të vënë një diagnoze dhe mjekim më të saktë, nëse mund të ketë nevojë apo jo për ndërhyrje operatore apo mjafton vetëm mjekimi medikamentoz.
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!
