Dr. Nevila, kam probleme me zorrën e trashë. Në pjesën e jashtme të saj më kanë dalë disa copëza të gjata si lythe që më shkaktojnë shumë shqetësime, djegie e dhimbje barku dhe në mes të saj e organit seksual, në njërin krah, më ka dalë një gjëndërr. Kam bërë vizita e mjekime dhe më qetësohen për pak kohë e përsëri acarohen. Dua t’i operoj dhe jam e interesuar të di se çfarë të bëj dhe te cili kirurg të shkoj? Mund të më ndihmoni me një numër telefoni dhe një informacion rreth kësaj që ju kam shkruar? Faleminderit.
Dr Nevila Lëngu, gastro-hepatologe, QSUT
Përshëndetje! Nëse bëhet fjalë për hemorroide, atëherë sigurisht që trajtimi definitiv është hemorroidektomia (ndërhyrja kirurgjikale) dhe ligatura me banda elastike. Duhet të kontaktoni një mjek proktolog. Për sa i përket asaj që ju e quani gjëndërr midis organeve gjenitale dhe anusit, duhet të konsultoheni edhe me një gjinekolog.
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!
