Ai është padyshim ndër emrat më të lakuar në futbollin shqiptar. Sidomos dy vitet e fundit ra në sy për talentin e tij të spikatuar. E kemi fjalën për Dejvi Bregun, lojtar i ekipit të “Luftëtarit”, që, në një intervistë ekskluzive per gazetën’’ Intervista’’, ka zbuluar gjithçka rreth futbollit, por jo vetëm.Dejvi na tregon edhe grimca të vogla nga jeta e tij personale.
Alba Tirana: -“Luftëtari” tashmë është në katërshen e parë. Si mendon : Do të shkojë Luftëtari në Europë ?
Dejvi Bregu : – Shpresoj që të shkojmë në Europë, pasi i kemi të gjitha mundësitë, por duhet t’i marrim ndeshjet me radhë pa u vënë shumë në presion
– Si arriti të bëhej Dejvi Bregu nga emrat më të spikatur të Superligës Shqiptare ?
– Vetëm me punë. Puna i nxjerr në pah vlerat e vërteta të një futbollisti
– Kush ka kontribuar më shumë në suksesin tënd?
– Në karrierën time ka kontribuar shumë familja, por babai im është pikë kyçe pasi pa atë nuk do isha këtu ku jam sot.
– Pse u bëre futbollist Dejvi?
– Mendoj se Zoti çdo njeriu i jep një dhunti në jetë dhe mua më dha talentin në këtë fushë… Shpresoj të punoj shumë, të kem edhe fat se dëshira dhe egoja ime është shumë e madhe për të arritur sa më lart.
-Cilin mban si golin më të bukur që ke bërë?
– Të gjithë golat janë të bukur sepse të japin fitoren, por për mua, goli më i bukur është ai ndaj “Flamurtarit” më 17 Maj 2017
– Po ndeshja më e bukur që ke bërë ?
– Pa dyshim, fitorja 5-0 ndaj Partizanit është vështire të harrohet
– Cili është rivali juaj pas Skënderbeut ?
– Mendoj që janë disa ekipe për të njëjtin synim këtë vit, pra ka disa ekipe që duan të arrijnë objektivin e zonës që të çon në Europë dhe besoj se kjo do të diksutohet mes Kukësit, Flamurtarit, Partizanit dhe Laçit.
-Cili është lojtari më “fairplay” i superiores sipas teje?
– Orjad Beqiri kapiteni i Luftëtarit.
-Në verë do të vishesh bardhekuq. Përse zgjodhe “Skënderbeun” dhe jo ndonjë ekip të huaj?
– Se “Skënderbeu” është një klub europian në kuptimin e plotë të fjalës dhe besoj se është trampolina më e mirë për një të ardhme në Europë.
-Si i keni pritur zërat për denimin e Skënderbeut ?
– I kam pritur me qetësi. Nuk kam ndonjë gjë të veçantë për të shtuar për këtë. Thjeshtë shpresoj mos të ndodhë diçka e tillë
-Do të qëndrojë Bregu aty nëse dënohet Korça?
– Çdo gjë do e bisedoj me presidentin dhe menaxherin tim dhe do vendosim çfarë është më e mira për t’u bërë.
-Cila është klauzola e kontratës tuaj në rast prishjeje të saj?
– Nuk kam asnjë klauzolë që të prishet kontrata… E përsëris që çdo gjë do bisedohet me klubin në një rast të tillë. Por shpresoj të mos ndodhë gjë…
-Sa do të paguhet Bregu në Korçë?
– Mosha dhe rroga nuk tregohen (qesh) por mund t’ju them që paga do jetë 5-fish më e lartë se e tanishmja…
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!
