Ilia Kaçi është një personazh i ri në spektaklin e humorit “Portokalli” por duket se me personazhin e tij “Parodistin” ka fituar simpatinë e publikut dhe duartrokitjet në fund të prezantimit të tij tregojnë vlerësim. Ilia, na tregon si u bë pjesë e “Portokalli”, si ndihet mes aktorëve të njohur, festat dhe angazhimin e tij në teatër.
Fabjola Kuburi:- Ilia përshëndetje, si i kalove festat?
Ilia Kaçi:- Përshëndetje, pushimet shumë mirë.
-Ku i festove dhe a more dhurata?
– Këtë vit nuk i kalova në Tiranë festat, i kalova në Ersekë. Mora edhe dhurata.
-Cilin mund ta cilësosh fundvitin më të bukur në kujtimet e tua dhe, pse ishte i tillë?
– Nuk mund të cilësoj asnjë.Për festa mjafton të jesh me njerëzit e duhur.
-Po më i “tmerrshmi”?
– Siç thashë çdo fundvit ka qenë shumë i vacant
-A kishte diçka të veçantë ky fundvit për ty?
– Po, kishte shumë raki dhe hangover(argëtim)
-Ilia, si u bëre pjesë e “Portokalli”?
–Kisha shumë kohë që e mendoja të bëhesha pjesë e “Portokallisë” dhe këtë sezon isha gati për audicion.
-Cili prej aktorëve të vjetër ka qenë i preferuar yt, pa u bërë ti pjesë e tij?
-Unë spektaklin e kam ndjekur shumë dhe për mua të gjithë janë shumë të mirë. Nuk mund të ndaj asnjërin.
-Si të pritën në “Portokalli”?
– Shumë mirë jam ndjerë. Më kanë pritur shumë mire dhe duhet ta them që këtu jemi si një familje e madhe dhe në harmoni më njeri-tjetrin.
-Roli i parodistit është ai me të cilin je prezantuar. E kujt ishte ideja për këtë personazh?
– Unë e kam patur idenë për të bërë parodi, por duke bashkëpunuar sigurisht me regjisorin e spektaklit dhe skenaristen që shkruan tekstet e nga ky bashkëpunim dolëm tek përfundimi për t’a vënë në skenën e “Portokalli-së” bërë këtë personazh.
-Nuk ke menduar për ndonjë personazh tjetër apo suksesi i “Parodistit” të duket i mjaftueshëm për sezonin e parë?
– Nuk ka të bëj me suksesin por që të jesh i suksesshëm gjërat merren dhe bëhen avash-avash.Këtë kam zgjedhur dhe unë, t’i bëj gjërat hap pas hapi.
-Jashtë veshjes së personazhit, kush është Ilia Kaci?
– Kjo është një pyetje me një përgjigje shumë të gjatë por po themi një djalë që i pëlqen të qeshë.
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!
