Ajo është një nga aktoret e famshme që gjithmonë ka dalë në mbrojtje të homoseksualëve. Maritza Rodrigez, aktorja latine e njohur për rolet e saj negative ka bërë një deklaratë që ka shkaktuar shumë zhurmë e debate në median latine. Ajo ka pohuar se të tre vëllezërit e saj janë homoseksualë dhe kjo është një nga arsyet pse ajo ka luftuar gjithmonë për mbrojtjen e të drejtave të tyre. Aktorja kolumbiane ka pohuar se familja e saj ka ditur ta përballojë këtë situatë.
“Sjellja e prindërve të mi ka qenë e admirueshme, kanë kaluar një proçes të vështirë, një periudhë shokuese, por e rëndësishme është se si mundën t’ia dalin ta kalojnë këtë lajm. Ata janë një shembull se si duhet të jenë prindërit. Nuk ka të bëjë me atë që ne duam, por me atë që Zoti na sjell në jetë’’ ka pohuar aktorja 41 vjeçare. Dy vëllezërit e saj binjakë dhe motra e madhe janë homoseksualë dhe kjo ka qenë deklarata e parë e aktores. Më e vështirë ka qenë për prindërit, të cilët e shikonin jashtë konceptit të tyre fetar, madje nuk mund ta perceptonin fare atë që iu ndodhte në familje.
