DJ Saka është një nga njerëzit më të njohur në Ballkan, që luajnë muzikë. Atë mund ta gjeni në club-et e natës dhe së fundmi edhe në bashkëpunime të vazhdueshme me këngëtarët më në zë. Samir Vukoviç i njohur si Dj Saka, merret me profesionin e Dj, prej 10 vitesh në klubet më në zë Hungari, Mal të zi, Kroaci, Shqipëri dhe është edhe resident në “The club” në Ulqin. Në muajin maj të 2013 ai mori pjesë në Festivalin e Studentëve në Budapest. I pyetur per jetën e tij të përdishme dhe lidhjen më muzikën, ai thotë:- “Edhe gjatë ditës unë punoj, çdo gjë që bëj ka lidhje me muziken. Dita ime nis me muziken, kaloj shumë kohë në studio duke krijuar muzikë dhe duke dëgjuar këngët e reja për festën e radhës.Kam një pasion tjetër, i cili në fakt nuk është i fshehtë por jo të gjithë e dinë. Unë e adhuroj sportin, të gjitha llojet e sportit. Jam shumë i apasionuar pas tij. Dita ime nis me dy pasionet e mia, sportin dhe muzike.Frekuentoj rregullisht palestren. Ai shprehet se ka njohur e parë shumë personazhe të njohur:-” Në gjithë këto vite që unë luaj muzikë kam rastisur të shoh shumë figura të njohura në club-e, duke nisur nga futbollistët, këngëtarë e politikanë gjithashtu, që “zhvishen” nga serioziteti dhe kërcejnë e argëtohen pa fund. Ai është duke punuar me disa projekte për verën që vjen me artistë shumë të njohur në Shqipëri por edhe të huaj gjithashtu. Ai shton se:- “Eshtë e lodhshme por muzika të jep një ndjesi të bukur dhe kjo të bën të harrosh lodhjen. Është bukur kur e dashuron punën që bën”.
Dj Saka, një Dj internacional!
