Gjatë sfilatës së firmës Chanel, modeleve ua kishin krehur flokët me një formë të re topuzi: Topuzi kruasan. Me sa duket, pastiçeria është një burim frymëzimi për parukierët. Pas topuzit-petull, që ishte në modë para pak kohësh, duket se krehja e re në modë është topuzi-kruasan. Shkaktar për këtë është Sem Meknajt, parukieri kryesor i sfilatës Chanel, i cili ka bërë një krehje me topuzë të mëdhenj, si banane horizontale, që shkonin nga njëri vesh te tjetri, duke krijuar formën e një kruasani.
Sigurisht, shkuma është e domosdoshme për të krijuar një volum të tillë, por kjo, për aspektin teknik, pasi përsa i përket anës estetike, neve na pëlqen rezultati. Duket gati si krehja e princeshës Leia në “Luftën e Yjeve”, gjë që do t’u pëlqejë edhe fansave të serialit.
Kur t’ia kemi marrë dorën krijimit të këtij vëllimi, edhe ne do të përpiqemi t’i krehim flokët në këtë mënyrë, por kjo gjë do shumë punë dhe prova…
