– Kam parë në ëndërr sikur ishte hapur një varr në një ambient të cilin e mendoja sikur ishte i imi. Më pas sikur iu afrova dhe pashë veten lakuriq. Një kushërira ime më tha: “Duhet të mbulohesh se është gjynah”. Më pas më tha se më ishte ringjallur nëna, e cila realisht, nuk jeton. Pres një shpjegim nga ana juaj. Xhuli.
– E dashur Xhuli, varri i hapur, në parim, paraqet njëfarë vetëburgosjeje. Duhet të keni kujdes nga mbyllja në vetvete, apo nga izolimi në shtëpi. Nëse keni nevojë të flisni apo të ndiheni më e përkëdhelur duhet të flisni me familjarët tuaj dhe të mos rrini mënjanë. Kërkoni ndihmë nëse është e nevojshme. Trupi lakuriq paraqet frikën, ankthin, zbulimin e një të vërtete në lidhje me një situatë apo person. Gjer këtu duhet të keni kujdes, por ringjallja e nënës tregon se ju shumë shpejt do të çliroheni nga gjithë këto shqetësime që keni kohët e fundit.
