Quhet kështu një lloj buke e bërë me toptha brumi pice, të cilën mund ta bësh të ëmbël, apo të kripur, në varësi të gjërave me të cilat e shoqëron (djathë, Nutella, etj). Ne po ju japim këtu versionin e kripur, me djathë kaçkavall.
Për brumin e picave
500 gramë miell
7 gramë maja e thatë
1 lugë kafeje kripë
1 lugë kafeje sheqer
4 lugë supe vaj ulliri
250 ml ujë
Për garniturën
75 gramë gjalpë i shkrirë
100 gramë kaçkavall i grirë
4 lugë pesto gjenoveze (me borzilok)
Përgatitja
Treteni majanë në ujë të vakët me një lugë çaji sheqer dhe lëreni të veprojë afro 10 minuta. Përzieni miellin me kripën e vajin dhe shtoni aty ujin me majanë, duke e punuar brumin derisa të bëhet elastik. Lëreni brumin të vijë afro 1 orë, ose sa të dyfishojë vëllimin dhe më pas bëni me të 40 toptha, të cilat i kaloni në gjalpin e shkrirë dhe në kaçkavall. Shtroni një shtresë me toptha në një tepsi të thellë sa të mbushet fundi, spërkateni me 2 lugë pesto dhe më pas bëni edhe një shtresë tjetër. Sipër hedhim parmixhianon e peston e mbetur dhe e vëmë në furrë, në 180 gradë celsius.
