Përbërësit për 6 vetë:
– 500 gramë maskarpone
– 6 të verdha vezësh
– 6 të bardha vezësh
– 4 lugë supe sheqer
– 1 paketë biskotash me gjalpë
Përgatitja
Grijini biskotat në mikser, por lini 2-3 mënjanë për zbukurim. Përzieni maskarponen me sheqerin, të verdhat e vezëve dhe biskotat. Rrihni të bardhat e vezëve marengë, pastaj përziejini me delikatesë me pjesën tjetër duke u përpjekur të mos ulet vëllimi i tyre. Hidhini në gota të vogla individuale. Lërini katër orë në frigorifer dhe janë gati. Para se t’i servirni, thërrmoni me dorë biskotat e mbetura sipër tyre.
