Në këtë shkrim nuk bëhet fjalë për ndonjë operacion ushtarak, apo plicor për çlirimin e ndonjë pengu , të cilët kohët e fundit nuk kanë munguar të shfaqen në mjedisin publik shqiptar , si forma të krimit dhe të dhunës mafioze, por bëhet fjalë për një operacion për çlirimin e drejtësisë shqiptare nga bota e krimit,sistemet korruptive , spastrimin e saj nga avokatët e djallit , nga shërbëtorët e mafies ,nga politikat që e kanë ngritur në sistem padrejtësinë dhe krimin . Është një operacion shumkombësh , si ato që Shqipërisë paskomuniste , i janë gjëndur në ditët më të vështira të saj , pa të cilat vështirë se do të bëhej fjalë për liri dhe demokraci në vendin tonë, qoftë edhe kështu të brishtë siç e kemi tani . Por me një ndryshim ,se në operacionin për çlirimin e drejtësisë nga kthetrat e krimit politik shqiptar ,nuk ka ushtarë , topa dhe tanke aleate , por është korpusi i diplomatëve ,të cilët përbëjnë edhe shpresën e vetme për çlirimin e drejtësisë nga përdhunusit ,vagabondët politikë shqiptar .Vazhdojmë të besojmë te faktori ndërkombëtar ca më tepër kur shikojmë që në teatrin që luhet për reformën , politikanët tanë në disa raste marrin edhe pozat e liderit të kësaj reforme ku , në të vërtetë ata , nuk janë gjë tjetër veçse dhunusit e sistemit të të drejtësisë ,kriminelët më damkë , ku mbi ta rëndojnë krimet e shekullit , si vrasës ,vjedhës ,tradhëtar të kombit ,ku gjatë qeverisjes së tyre kanë punuar sistematikisht për kriminalizimin e shtetit , të shoqërisë ,të njëriut shqiptar, ku u përpoqën të ndërtonin një Shqipëri si geto të ballkanit dhe të Europës , epiqëndrën e trafiqeve ,të drogës dhe të mafies ndërkombëtare ,ata që kan punuar sistematikisht për ta shëndërruar Shqipërinë në një korent të kundërt më atë të aleatëve strategjik të vendit ,që ngjallën frymen e urrejtjes me fqinjët ,që braktisën politikat në mbrojtje të emigracionit ,madje strategjia e tyre ,ne këto njëzetëepesë vjet ishte ta zbraznin Shqipërinë që ata ,të sundonin lirshëm me bandat e tyre kriminale .
Të gjitha forcat politike antireformë ,sot janë të grumbulluara si në një sindikatë , ku pa frikë mund ta quash sindikata e krimit ,sindikata antireformë ,për rrjedhoj korenti antidemokratik shqiptar. Pavarësisht nga maskat që ata kanë vendosur , në të nuk bëjnë pjes vetëm të inkriminuarit ,një pjesë e politikanëve të PD-së,të cilët paraqiten në bllok kunër reformës në drejtësi ,ose e shumta të bëjnë ata një reformë jo për të cliruar drejtësinë nga krimi ,por për të vendosur sisteme të reja për ta fortifikuar dhe nbrojtur krimin ,pasi kështu ata mbrojnë vetveten ,pasi ata dhe krimi janë një binom .Por , pjesë e kësaj sindikate të krimit nuk janë vetëm ata ,por kushdo ,pavarësisht nga përkatësia partiake që po i vënë reformës gurin nën rrota ,ata që djallin korrupsjon në drejtësi përpiqen ta fshehin pas hollesive ,teknikaliteteve ,të të ashtëquajturës frikë nga mos prekja e pavarësisë së institucioneve ,apo sovranitetit të shtetit .Pra, për ta rëndësi ka sovraniteti i krimit ,pavarësia dhe pushteti i tij absolut mbi qeverisjet . Madje kohët e fundit po shtohen ca si tepër zërat se reformës po i mungon zëri i specialistëve ,se nuk është dëgjuar zëri i grupeve të interesit ,se reformës po i hiqet origjinaliteti shqiptar ,përpjekje tipike të dështuara dhe megalomane ,për t’i hedhur ujë verës ,për të shpëtuar ç‘mund të shpëtohet nga çorba e drejtësisë shqiptare .
Sot ,gjithashtu në teatrin për të çliruar pengun drejtësi nga përdhunuesit e saj po shfaqet edhe një ministër drejtësie ,kontradiktor ,më tepër si manaxher i pushtetit të tretë dhe aspak si reformator i saj ,më tepër si burokrat se sa si vizjonar , ku të sundojnë idetë ,projektet dhe alternativat për ta fituar këtë betejë .Qofsha i gabuar por një vështrim i kujdesshëm i gjithë mendimit teorik dhe praktikave të deritanishme të reflektuara prej tij ,më krijon përshtypjen se ai ndodhet mes reformës dhe antireformës ,mes projekteve dinjitoze te hartuara nga grupi i specialistëve dhe përgjithësishtë të pranuara nga faktori ndërkombëtar dhe anti projekteve të ndërtuara nga grupi antireformë në drejtësi . Pra , ministri po më shfaqet as mish dhe as peshk .Ndoshta roli i tij mund të jetë ai i ngjales . Kjo ngelet për ta parë .
Nga ana tjetër në teatrin e reformës në drejtësi ,po shfaqet një kryeministër aspak politikan , i pa zoti për ta përballuar reformën me vizjone dhe me guxim politik , ku veç llafeve dhe përbetimeve disi fallco se ai është për reformën në drejtësi ,por me sa duket ,më tepër se ideator i kësaj reforme , i pëlqen të shfaqet si viktimë e korrupsjonit të egër dhe të pa shpartallushëm të mafjes në këtë sektor .Shikoni takimet me aleatin në qeverisje , ato ngjajnë jo si takime bashkpuntorësh dhe bashkëqeverisësish ,por si pritje dhe përcjellje delegacionesh të huaja ,madje jo nga planeti tok por nga ndonjë galaktik tjetër ,me deklarime kontradiktore ,ku më tepër flasin ,me një gjuhë diplomatike me shume kuptime,dhe gjithmonë pa përfundime konkrete . Dhe me ketë lojë kryeministri , mendon të jëtë përfitues edhe në se bëhet reforma në drejtësi ,por edhe në se nuk bëhet .Në se bëhet më autoritetin e faktorit ndërkombëtar ,ai di të shfaqet si hero ,si ideator i madh ,si burrë shteti .Fjalimet për atë ditë i ka gati që tani ,mos harroni shfaqjen e tij ,kur ekipi kombëtar u kualifikua për finalet e europjanit ,ku ai u shfaq si kontribues në këtë fitore më tepër se lojtarët apo trajneri i kombëtares .Por edhe në se dështon reforma në drejtësi ,prapë ai mendon se është përfitues ,pasi nuk prishet kualicioni qeverisës dhe ai mbetet prap ,pashai i qeverisë ,me karrigen e të cilës është i lidhur pazgjidhmësishtë .Ka shumë pak gjasa ,që në se dështon reforma në drejtësi ,ai të japi dorheqjen si një akt vyrtuoz dhe demokratik ,ku nuk arriti të realizojë një standart ,një prioritet qeverisës ,një normë demokratike ,në kulturën e burrave të vërtetë të shtetit .Kjo vlerësohet si herezi ,një mollë e ndaluar për shqiptarët ,një dhunim i barjaktarizimit shqiptar . Vërtetë ndërkombëtarët kanë marë trastën në krah , për të mbledhur votat e duhura në parlament për t’i hapur rrugën reformës në drejtësi. Ata u besojnë ligjeve të demokracisë ,nevojës për konsensus mes forcave politike ,zgjidhjeve me kompromis të problemeve madhore të vendit ku më kryesori është edhe reforma në drejtësi .Por , ata harrojnë se sindikalistët e krimit në politikën shqiptare do të bëjnë të gjitha përpjekjet që kjo reformë të mos bëhet pasi me të janë të lidhura fatet e tyre .Si mund të miratojnë një ligj që ata i burgos ,i çpronëson nga pasuritë e grabitura ,që i kthen nga sheikë si ata të Arabis Saudite ,në puntor të thjeshtë qe ,I vendos para drejtesis për vrasjen e njerëzve në emer të pushtetit të tyre , i ben objekt dhe subjekt të hetimeve dhe gjykimeve ndërkombëtare ,ku mbi ta do të rëndojnë aktakuza për genocid dhe trfiqe të dënuara nga e drejta ndërkombetare .Kaq budallenj i dinë ndërkombëtarët politikanët tanë kriminel,sa që më një të thënë të tyre ata do të miratojnë gjëmën e tyre .Kjo nuk ka per të ndodhur me ta ,ata do të rezistojnë deri në fund për të mos e miratuar reformën në drejtësi ,pasi atje ata gjejnë shpëtimin e tyre .Se per këto qëllime ata do të përdorin autoritetin e partis së tyre ,do të mobilizojnë militantët ,do të vënë në veprim specialistët kamikaze ,do t’u japin sinjalin Sos ,partive si motra të tyre europjane për t’i shpëtuar nga mbytja . Ata do të rezistojnë deri në atë pikë sa ndërkombëtarët të fillojnë pazaret politike me ta ,të bëjnë lëshime dhe kompromis me ligjin ,tu japin garanci për pronat e vjedhura ,t’u sigurojnë imunitet duke i mbrojtur nga ligji .Dhe konsensuse të tilla të turpëshme që e kan shkatërruar shtetin ligjor shqiptar kemi pasur me bollëk ,si në ngjarjet e 97-tes ,të 98-tes ,në 2001 ,dhe ajo e 2008-es ,që përfundimisht e hodhi në erë demokracinë shqiptare .E drejta dhe ligji në këto ngjarje kan bërë kompromis me krimin ,vrasësit dhunuesit e lirisë dhe të drejtave të njeriut ,me kusarët dhe hajdutët ,me vrasësit e kombit shqiptar .Në rastë se edhe kjo reform në drejtësi do ti nënshtrohet presjonit dhe kompromisit ,më kriminelët politik shqiptar ,jo vetëm se kjo reform është e dështuar ,por edhe vet shteti shqiptar është plotësisht i falimentuar ,bashkë me të edhe roli I faktorit ndërkombëtar duke u bërë pjes e këtij krimi makabër .Rruga e shpëtimit ndaj kësaj katastrofe ,nuk janë kulisat dhe prapaskenat politike ,ashtu si u vprua me ligjin e dekriminalizimit ku kryekriminelët mbetën në parlament për të miratuar ligjet e shtetit demokratik shqiptar duke dënuar vetëm kriminelët ordiner. ,Por zgjidhja e vetme për të reformuar jo vetëm drejtësinë ,por gjithë politikën shqiptare mbetet , verdikti popullor ,referendumi,asistenca e institucjonalizuar ndërkombëtare. Rrugë tjetër në këtë xhungël të krimit ,mendoj se nuk ka .
.Agron BERDAJ
