- Mos u bëni hajdut mbulesash
Të gjithëve na ka ndodhur të vjedhim natën mbulesat e krevatit në mënyrë të pavullnetshme. Megjithatë, nëse e kuptoni diçka të tillë, kthejani ato përsëri partnerit/es. Është diçka e këndshme ta mbulosh tjetrin me mbulesat që ia ke vjedhur ndërkohë që ai fle gjumë, si të kërkosh falje jo me fjalë, por me vepra.
- Mos gërhitni si traktor i prishur
E dimë se kjo gjë është e pavullnetshme, por nuk ka gjë më të keqe sesa të mos të të zërë gjumi nga e gërhitura e tjetrit. Flisni me ndonjë doktor se si mund ta zgjidhni këtë problem dhe të evitoni grindjet në mes të natës për diçka të parëndësishme (por që përbën problem). Mund edhe të vini nga ato ngjitëset speciale në hundë (Breathe Right), ose thuajini partnerit/es t’ju tundë kur filloni të gërhisni.
- Flini larg tjetrit nëse jargaviteni natën
Askush nuk do të ngrihet nga gjumi natën dhe të shohë pranë jastëkut një pellg me pështymë. Nëse jeni nga këta njerëz, atëherë mos kërkoni të flini sa më afër partnerit, por largojuni sa të mundni.
- Mos i hapni duart e këmbët si yll deti kur tjetri shkon në banjo
Mos e tregoni veten egoist në kulm duke pushtuar anën tjetër të krevatit, me, ose pa qëllim. Kini parasysh se tjetri e dallon edhe kur e pushtoni krevatin dalëngadalë.
- Ikni nga dhoma nëse nuk flini dot
Nuk ka gjë më të keqe sesa të flesh pranë dikujt që nuk e zë gjumi. Nga njëra anë tjetrit i vjen keq që rrotulloheni në shtrat, por nga ana tjetër, ai/ajo duhet të zgjohet nesër në orën 7 të mëngjesit për të vajtur në punë, kështu që nuk jua ka ngenë.
- Mos e nxehni ose ftohni njëri-tjetrin
Nuk keni pse vuani, nëse njëri nga ju ka gjithmonë vapë dhe tjetri ftohtë. Nëse ai ka gjithmonë vapë, le të veshë më pak rroba në shtrat dhe ju vishni pizhama më të trasha, ose anasjelltas. Ose thjesht flini me mbulesa të veçanta; kështu do të jeni më rehat.
- Përpiquni të mos lëshoni gazra
Të gjithë e kanë bërë nganjëherë diçka të tillë, por është mirë që, nëse jeni zgjuar, të shkoni në tualet. Mos gënjeni duke u mbuluar kokë e kokë “për të mos e lënë erën të dalë jashtë”.
- Lajini çarçafët
Duhet t’i lani çarçafët të paktën çdo dy javë, sidomos nëse bëni seks rregullisht në shtrat dhe djersiteni natën. Nëse nuk e bëni për vete, bëjeni për tjetrin që meriton diçka më të mirë sesa të flejë në një krevat të papastër.
- Nëse keni bërë një pellg me djersë në shtrat, atëherë flini vetë mbi të
Nëse jeni djersitur aq shumë (nga seksi, apo vapa), sa keni krijuar një pellg uji në anën tuaj të shtratit, atëherë më mirë flini vetë mbi të, duke e mbuluar si një peshqir prej… njeriu!
- Shkundi çarçafët
Ka njerëz që hanë në shtrat, ose pinë duhan, por është mirë të shkundni dhe pastroni shtratin para se të vijë personi tjetër. Nëse juve nuk ju bën përshtypje, bëjeni për tjetrin që nuk ka pse fle mbi pisllëqet që keni krijuar ju.
- Mos u mërzisni nëse tjetrit nuk i pëlqen të flejë përqafuar me ju
Disave nuk u pëlqen të flenë përqafuar natën, por kjo nuk do të thotë se nuk duan të flenë afër jush. Arsyeja e thjeshtë është se duan t’i kenë duart dhe këmbët e lira dhe jo të mpira e me mizërima në mëngjes.
