Sangria është një pije spanjolle alkoolike me fruta, që shërbehet në ditë të nxehta e sidomos me shoqëri.
Përbërësit:
1500 ml verë e kuqe e cilësisë së mirë
50 ml brendi
750 ml gazozë
50 gr sheqer
2 portokalle
1 limon
2 pjeshkë të pjekura
2 mollë
1 bishtajë vanilje
1 shkop kanelle e 2 karafila.
Përgatitja:
Qërojmë mollët e pjeshkët dhe i presim në kubikë. Shtojmë sheqerin e brendin dhe pasi i përziejmë, i vëmë në frigorifer për një orë. Në një enë tjetër të madhe, presim me gjithë lëkurë limonin dhe portokallet në feta të holla. U hedhim sipër verën, gazozën e erëzat. E vëmë në frigorifer për një orë. Pasi kalon kjo kohë, hedhim brenda përbërjen me mollë, pjeshkë, brendi e sheqer. Pasi e përziejmë, e lëmë në frigorifer të pushojë dhe 2 orë dhe heqim erëzat. Është gati për t’u shijuar.
