I kthehet fuqishëm tregut muzikor me një hit të ri, “Bye Bye”, në duet me Markus Marçadon, i cili i jep edhe më shumë bukuri këngës në gjuhën spanjolle. Të dy, gjatë klipit, luajnë me njëri-tjetrin mes dashurisë edhe urrejtjes, por në realitet ata janë vetëm miq të mirë. “Bye Bye” është një këngë regaton, stil që Anxhela e ka shumë për zemër. E kemi pyetur Anxhelën për shumë gjëra, përfshirë edhe jetën private dhe ajo nuk ka hezituar të përgjigjet, në këtë bashkëbisedim për gazetën “Intervista”…
Rita Rrjolli: – Anxhela, këtë herë, vjen me një bashkëpunim… Pse zgjodhe pikërisht Markusin?
Anxhela Peristeri: – Markusi ishte një rastësi e vërtetë. Nuk njiheshim më parë, por ideja qe e orkestruesit të këngës sime, De Vox. Të dyja palët ramë dakord dhe kështu lindi ky bashkëpunim, për mua, i suksesshëm.
– Si është të kesh pranë një mashkull kaq të pashëm?
– Është një kënaqësi e vërtetë, mbi të gjitha sepse bukuria e Markusit qëndron edhe brenda tij. Është një njeri shumë i bukur në përgjithësi dhe bashkëpunimi me të ishte gjithashtu një kënaqësi.
– Klipi, mes puthjesh e përqafimesh… Gjithmonë kaq sensuale je?
– Ishte thjesht skenari i videoklipit! Nuk e di nëse jam gjithmonë, por kur bëhet fjala për skenare klipi, jam. (Qesh)
– Pati ndonjë shkëndijë mes jush?
– Jo, nuk pati shkëndijë, pasi me Markusin u bëmë miq shumë të mirë dhe e pres prapë ne Tiranë në datën 13 Mars, për promovimin e klipit tonë te Fari Music Live, qendra ku unë këndoj çdo të premte e të shtunë.
– Nëse do të kishte, do të na e tregoje?
– E pse të mos e tregoja nëse do të kishte?! Mendoj se shumë vajza do të donin të ishin në vendin tim.
– Në ç’stil mund të përkufizohet kënga?
– Kënga është regaton, një stil që e kam kënduar dhe më parë. Më pëlqen ky lloj ritmi dhe këngët latine, po ashtu, më pëlqejnë shumë.
– Çfarë të ka shijuar më shumë gjatë klipit?
– Veshjet e mrekullueshme të Joni Peçit! Mezi prisja të vishja tjetrën.
– A e pati klipi suksesin e dëshiruar?
– Klipi u prit jashtëzakonisht shumë mirë, edhe pse lançimin zyrtar nuk e kam bërë akoma.
– Po përgatitja, sa kohë të mori?
– Xhirimet bashkë me regjistrimin e këngës zgjatën rreth një muaj e gjysëm.
– Nga kush i more komplimentet e para?
– Sigurisht, nga familja.
– Kënga doli ashtu siç e kishe imagjinuar?
– Doli edhe më e bukur dhe për këtë falënderoj nga zemra kompozitorin e këngës Gramoz Kozeli dhe orkestruesin e saj, De Vox.
– Kujt i thua “Bye bye”?
– Për momentin, vetëm Markusit po i them… (Qesh)
– Në jetë e kë thënë shpesh, apo më shumë ke dëgjuar të ta thonë?
– Edhe kam thënë, edhe ma kanë thënë, por mendoj se unë kam thënë më shpesh. (Qesh)
– Si reagon nëse ta thotë dikush?
– Nëse dikush më thotë “bye-bye” (mirupafshim), unë i them “adio” (lamtumirë).
– Pasi je zënë me dikë, zgjedh të dëfrehesh në diskoteka apo mbyllesh në shtëpi?
– Nuk jam tipi që rri dhe vuaj brenda katër mureve. Sigurisht që do të dilja me shoqërinë për t’u dëfryer.
– Një natë melankolike për ty shoqërohet me verë dhe vetmi, apo me verë dhe shoqëri?
– Me verë dhe shoqëri, sepse nuk më pëlqen vetmia.
– Anxhela, si do ta kalosh ditën sot?
– Sot është një ditë relaksi për mua. Do të mundohem të çlodhem e të lexoj ndonjë libër, sepse nesër jam në koncert dhe në vazhdim, gjithë java do të jetë e ngarkuar.
– Ku ndryshon për ty dita nga nata?
– Dita dhe nata për mua, përgjithësisht, janë njësoj, duke përjashtuar që dita ka diell. “Punë-punë natë e ditë, që të shohim pakëz dritë”, siç thoshte edhe Naim Frashëri. (Buzëqesh)
– Sa e lodhshme është të këndosh live çdo fundjavë?
– Të gjitha punët janë të lodhshme, por mendoj se kur e dashuron punën që bën, si në rastin tim, është më pak e lodhshme.
– Si kujdesesh për zërin tënd?
– Vetëm me gjumë mund të kurohet zëri, por duke qenë se kohët e fundit gjumi më ka munguar disi, jam munduar me mjaltë dhe vaj ulliri, recetë kjo që ma ka mësuar kolegu dhe miku im Aurel Thellimi.
– Çfarë konsideron gjënë më të rëndësishme në jetë?
– Familjen.
– Vendimi më i vështirë që ke marrë deri tani…
– Kur vendosa të largohesha në Greqi.
– Je impulsive, apo i mendon gjërat 100 herë?
– Jam shumë impulsive. Këtë po e quaj disi difekt te vetja.
– Si i ke marrëdhëniet me fansat, krijon shoqëri me ta?
– Kam marrëdhënie shumë të mira dhe ka pasur raste që kam krijuar shoqëri me ta.
– A i ke vënë vetës një qëllim për vitin 2015?
– Qëllimi që i vë vetes çdo vit është të kem afër njerëzit e dashur, të kem shëndet dhe sigurisht, të mund t’u ofroj fansave të mi sa më shumë surpriza të bukura.
– Vazhdon të jesh singëll?
– Vazhdoj të jem singëll.
– Si e personifikon djalin ideal?
– Djali ideal për mua duhet të jetë i qeshur, i sinqertë dhe të më dojë sa e dua unë. Kaq më mjafton.
– Ti, a je femra ideale?
– Idealja për çdo njeri është e ndryshme. Ndoshta edhe unë jam ideale për dikë.
– Difekti që i njeh vetes…
– Difekti im më i madh është që u besoj shpejt të gjithë njerëzve.
– Mesazhi për të gjithë fansët që të ndjekin…
– Të jetojnë momentin dhe të kenë gjithmonë energji pozitive!
