– Ndodhem në udhëkryq për shkak të familjes time. U fejova me një djalë të cilin ma prezantuan familja. Dhe pse nuk e dashuroja, pranova për hir të familjes sepse mendova duke e njohur do të bie në dashuri me të. Pastaj besova atë çfarë më tha familja se është djalë i mirë etj. Nuk kam qënë asnjëherë pro shkuesive, pa e njohur vete, por siç thashë e bëra për hir të familjes. Tani ka 5 muaj që jam fejuar me të, dhe zbulova se ai kishte dhe një lidhje tjetër, dhe dashuron marrëzisht atë vajzë dhe pse nuk donte të martohej me të. Më thotë që ty nuk do të mungojë asgjë, dua ti të jesh gruaja ime. Me atë kam lidhje tjetër, dhe se lë dot. Por unë ndihem shumë keq, dua të ndahem me të, nuk mund ta pranoj këtë gjë. Nuk di si të veproj, ti them familjes edhe pse e di se do të hapet një debat shumë i madh se vijmë nga provinca. Ju si do të vepronit?
Advertisement