Ripublikohet libri “9 javë e gjysmë”

“Herën e parë që bëmë dashuri bashkë, ai m’i mbajti duart të lidhura pas kokës. Kjo më pëlqeu. Edhe ai më pëlqeu shumë. Ai ishte fantastik, me humor, brilant, fliste për gjëra pasionante. Më ngjiti në qiellin e shtatë”. Para librit “50 nuancat e Greit”, ka ekzistuar libri “9 javë e gjysmë” i Elisabeth MekNilit, i publikuar për herë të parë në vitin 1979 me këtë pseudonim, libër që ndryshoi opinionin tonë mbi lidhjet SM (sadomazokiste). Jo pa arsye pati shumë sukses edhe filmi i bazuar në libër, në të cilin interpretonin dy seks-bomba të viteve ‘80, Kim Bezinxher dhe Miki Rurk. Kështu, libri në fjalë është ripublikuar, mund ta blini dhe ta mbani në sirtarin e komodinës suaj, ose t’ia lexoni me zë të lartë të dashurit. Ai përmban edhe një biografi të shkurtër të autores, emri i vërtetë i së cilës është Ingeborg Dei. Kjo amerikane me origjinë austriake vrau veten në vitin 2011, duke marrë me vete gjithë sekretet e kësaj historie të vërtetë dhe autobiografike, të shkruar në formë ditari. Në libër ajo rrëfen për një periudhë prej 9 javësh e gjysmë, lidhjen e saj, së cilës i ka dhënë trupin dhe shpirtin, duke kapërcyer gjithë kufijtë moralë apo fizikë. Ia vlen ta rilexoni…