Një grup arkeologësh guatemalas dhe spanjollë kanë zbuluar në Veri të Guatemalës disa afreske dhe mbishkrime murale maja, të cilat janë realizuar sipas teknikës së “shtukaturës së njomë”, që i përkasin shekullit të VIII para erës sonë. Në rajonet Veri-Lindore të cilat kufizohen me Meksikën, ku janë zbuluar afresket, ngriheshin në lashtësi qendrat e mëdha rituale të popullit maja si Tikanji, Naranxo, Ollmul, etj. Afresket janë zbuluar në një mur të rënë të një pallati maja. Ato trajtojnë një subjekt nga historia, që ka të bëjë me sjelljen në tempull të dhuratave. Në këtë afresk, pasqyrohen burra e gra, fëmijë e pleq, si edhe disa hieroglife, të cilat, me sa duket, shpjegojnë skenën. Udhëheqësja shkencore e grupit të zbulimit, spanjollja Kristina Vidal, ka deklaruar se këto afreske janë shumë të ngjashme me ato të Rilindjes Italiane dhe u ngjajnë shumë, sidomos, atyre me të cilat Mikelanxheloja ka zbukuruar Kapelën Sikstine. Por, si shkoi kjo teknikë pikture mbi mure nga populli Maja deri në Itali? Ja, këtë, deri tani, nuk e ka zbuluar dot njeri, por fakti është fakt, ngjashmëria as që mund të diskutohet… Kjo i nxjerr afresket e Mikelanxhelos si pasardhëse të kulturës së lashtë të popullit maja…
Mikelanxhelo ka “kopjuar” piktorët maja?
