Drithërat si Viagra

Harrojeni tabletën e vogël blu… Tashmë, nuk keni më nevojë për viagrën që të arrini në qiellin e shtatë. Kënaqësia juaj qëndron sot në një tas me drithëra afrodiziake, të ashtuquajturat Sexcereal, që shijohen vetëm apo në çift. Kjo ide e nxehtë na vjen nga Kanadaja. Shoqëria Big Life Living ka krijuar një recetë shumë speciale drithërash. Është një bombë me sahat në tasin me drithëra që hani në mëngjes, të cilat stimulojnë menjëherë epshin tuaj. Në fakt, këto drithëra janë të përbëra nga ushqime afrodiziake, si: Kakaoja, xhenxhefili, bajamet, farat e susamit të zi e të tjera akoma. Ekziston një version femëror dhe një mashkullor i produktit, me qëllim që të veprohet më mirë në hormonet e trupit. Përbërësit e Sexcerealit për femra kanë për qëllim përmirësimin e ekuilibrit hormonal të grave, ndërsa ato të meshkujve kanë për qëllim shtimin e nivelit të testosteronit te zotërinjtë. Një afrodiziak i vërtetë, apo një mënyrë për të fituar para? Nuk dihet, por një gjë është e sigurtë: Ato shtojnë fantazitë… Nuk jemi të sigurtë se SexCerealet zëvendësojnë realisht të famshmet tableta blu për burrat… Sido që të jetë, nëse doni ta provoni, mjafton ta blini, vetëm se ka një çmim paksa të kripur: 22 euro për paketë drithërash!