Dielli që “marrim” varet nga dëbora

Një kristalinë dëbore peshon afro një miligramë, mirëpo brenda disa orëve, këto kristalina të vogla një miligramëshe janë në gjendje të mbulojnë me çarçaf të bardhë sipërfaqe të mëdha toke, rrugësh, çatish, malesh dhe fushash. Nga këto kristalina të vogla, nga këta floqe të lehta arrin të krijohet një peshë e rëndë. Kështu, bie fjala, në fund të dimrit, në hemisferën veriore, masa e dëborës arrin në 13 500 miliardë tonelata, që përfaqëson 95,2% të sasisë së dëborës së rënë. Në hemisferën jugore kjo peshë arrin deri në 3,8% të sasisë së përgjithshme… Dëbora që bie në rang planetar dhe që ngjan me një pasqyrë gjigande, reflekton 90% të energjisë rrezatuese të Diellit. Pjesa tjetër që nuk mbulohet nga dëbora, reflekton (dhe përfton) vetëm 10 % të rrezeve të Diellit. Duket si diçka paradoksale, por sasia e ngrohtësisë që merr Toka nga Dielli, varet nga fakti se sa e madhe është sipërfaqja e Tokës sonë që mbulohet nga dëbora.