– Përveç pjesëmarrjes në Top Fest, çfarë tjetër të bën të vish gjithnjë me dëshirë në Tiranë?
– Gjithçka që ka të bëjë me Tiranën, më pëlqen. (Qesh)
– E ke menduar ndonjëherë veten me një vajzë nga Tirana në krah?
– Ehë, shumë herë!
– Mendon se ka qenë emri yt (Arti) ai që ka përcaktuar drejtimin tënd?
– (Qesh) Po Dreni, çfarë do të duhej të ishte?
– Më thuaj diçka që s’mund të bëjë pjesë kurrsesi në art?
– Hëm, çdo gjë pa vlerë, s’ka lidhje me ART!
– Ku dëfren dhe argëtohesh më shumë?
– Kudo; në punë, në studio, në futboll, në Tiranë. (Qesh) Ka shumë vende që të bëjnë të ndihesh mirë me veten!
– Çfarë e karakterizon familjen Abazi?
– Fatmirësisht, shëndeti, muzika, harmonia. Këto!
– Cili nga ju të dy ia bëri dhuratën më të bukur mamit për këtë 8 mars?
– Dreni! Unë s’qëllova në shtëpi atë ditë.
– Ti dhe Dreni, vazhdoni të jeni të preferuarit e vajzave?
– Vërtet? Më vjen shumë mirë! Edhe vajzat janë të preferuarat e mia. (Buzëqesh)
– Përveç tradhtisë, për çfarë tjetër do ta braktisje një femër?
– Duhet ta ketë edhe doktoraturën të përfunduar, se s’bën! (Qesh) Nuk e di, mjafton të jetë e kuptueshme.
– Çfarë mendon për martesën?
– Që do të më ndodhë edhe mua njëherë.
– Ekziston dikush që bëhet xheloze për ty?
– Jo, s’ka pse!
– Në një lidhje, të pëlqen të jesh ti ai që dominon?
– Edhe pse e di që s’është e drejtë, në shumicën e rasteve, po.
– Është më e rrezikshme një femër e bukur apo një e zgjuar?
– E bukura ka vetëbesimin, e zgjuara mbetet gjithmonë e zgjuar, por unë nuk i frikësohem askujt!
– Çfarë i thua vetes herë pas here?
– “Art, bëje!”.
– Çfarë e bën një njeri të mirë dhe çfarë, të keq?
– Ai që mundohet për mirë, në çdo rast, është i mirë. Ai që mundohet për t’keq, s’do t’i zgjasë shumë. (Buzëqesh)
– Si janë mbrëmjet e tua të punës kur këndon live?
– Jo, jo, unë ende s’kam filluar të këndoj live nëpër lokale, por jam duke e menduar këtë. Besoj se do të ndodhë në një të ardhme të afërt. (Buzëqesh)
– Deri në sa orë apo ditë mund të rezistosh dhe ke rezistuar pa gjumë?
– Në natën e ndarjes së çmimeve “Oscar” rri zgjuar deri në mëngjes, përndryshe, e dua gjumin.
– Kur thua “lamtumirë”, kthehesh prapë pas?
– Po, më ka ndodhur!
– Periudha më e bukur e jetës tënde…
– Paaaaj… çdo periudhë është përjetim më vete. Megjithatë, 2004-2008-n s’do ta harroj asnjëherë. (Buzëqesh)
– Cila ka qenë hera e fundit kur një vajzë të ka dhënë numrin e saj të telefonit?
– Nuk më kujtohet.
– Në ç’orë mbyllesh zakonisht në shtëpi? Pra, kur mbaron zakonisht dita jote?
– Në 23.00, 00.00 ose 1.00, maksimumi!
– Kush është njeriu i fundit që i thua “Natën e mirë dhe gjumë të ëmbël”?
– Gjyshja, gjyshja. (Buzëqesh)
– Me çfarë do ta nisësh ditën nesër?
– Me biçikleten time! (Qesh)
– Çfarë të bën të zgjohesh në mëngjes?
– Dashuria për të jetuar… bukur!
ARTI
– Çfarë është lumturia absolute për ty?
– Të gëzosh shëndet!
– Tipari kryesor i karakterit tënd…
– I dashur!
– Defekti kryesor?
– I dashur!
– Ndaj cilave gabime je më tolerant?
– Ndaj gabimeve te vogla.
– Libri që të ka lënë mbresë të pashlyeshme?
– “Darka e gabuar”, Ismail Kadare.
– Filmi që, pasi e ke parë, ke dashur të ishe ti protagonisti kryesor?
– Ah, “The beach”, Leo di Kaprio.
– Çfarë urren më shumë në këtë botë?
– Padrejtësitë, skamjen…
– Në ç’raste zgjedh të thuash gënjeshtra?
– Në raste shumë të rralla… Shumë të rralla.
– Cila është motoja jote?
– Mendo bukur!
– Po dëshira e momentit?
– Ta përfundojmë më shpejt intervistën, se u lodha pak. (Qesh)
– Të duket vetja tërheqës?
– Edhe po, edhe jo.
– Një moment i sikletshëm për ty…
– Të isha i papërgatitur kur s’duhet!
– Aroma e preferuar?
– E luleve. (Buzëqesh)