Përparimi i shkencës ka bërë të mundur të zbulohen para kohe shumë sëmundje. Po, tani mund të diagnostikohen sëmundje të rralla te një fëmijë edhe me një fotografi e thjeshtë, pa bërë analiza të shumta.
Studiues të Universitetit të Oksfordit kanë shpikur një program njohjeje të tipareve të fytyrës, i cili, duke u nisur nga një foto e fëmijës, bën të mundur të analizohen me kompjuter karakteristikat e fytyrës dhe të zbulohen sëmundje të ndryshme, si sindoma e Daunit (trisomia 21), sindroma e Angelmanit, ose ajo e Hutchinson-Gilford-it. Në fakt, këto sëmundje gjenetike zotërojnë disa karakteristika fytyre, që mund të indentifikohen lehtë. Kështu, duke përdorur fotot familjare të postuara, për shembull në Facebook, progami mund të zbulojë sëmundjen e rrallë, të cilën prindërit nuk e dinë ende. “Një mjek mund të jetë i aftë, kudo në botë, të marrë një foto në smartphone-in e një pacienti dhe ta analizojë nga kompjuteri për të zbuluar shpejt nëse personi është i prekur nga një sëmundje gjenetike”, shpjegon doktor Kristofer Nelaker, që ka marrë pjesë në krijimin e këtij programi.
Ky program është krijuar për të identidikuar 90 sëmundje të ndryshme, falë analizës së 36 tipareve të fytyrës. “Me anë të kësaj mënyre objektive, mund të lehtësohet diagnostikimi, të lehtësohet krahasimi dhe të bëhet e mundur që mjekët të arrijnë në një përfundim me më shumë siguri”.
Ky program, për momentin, është një prototip dhe premton të hapë horizonte të reja në zbulimin e parakohshëm të këtyre patologjive, qofshin këto sëmundje gjenetike apo kancere. Para disa muajsh, falë një metode të ngjashme, një vajzë e vogël u diagnostikua në kohë nga sëmundja e Coats, një patologji e rëndë e syve. Një i afërm i familjes, duke parë një foto të vajzës në Facebook, kishte paralajmëruar prindërit që ajo paraqiste “një reflekt të çuditshëm” në sy.