Ky papirus i lashtë është zbuluar që në vitin 2012, por nën presionin e Vatikanit, është mbajtur i fshehur sepse në të thuhet se Jezu Krishti ka qenë i martuar dy herë… Vatikani e ka quajtur këtë papirus fallco dhe të pavërtetë, mirëpo ekspertët elektroteknikë, kimistët dhe biologët ngulin këmbë se papirusi është mirëfilli origjinal. Specialistë të universiteteve të Harvardit, Kolumbisë e Institutit të Lartë të Masaçusetsit, që janë marrë me studimin e papirusit, pohojnë se lashtësia e dorëshkrimit (papirusit dhe bojës) është i padiskutueshëm. Për të përcaktuar lashtësinë e bojës me të cilën është shkruar, ky dokument u analizua në laboratorët e Universitetit e Kolumbisë me ndihmën e një metode të re, siç është ajo “e shpërndarjes së kombinuar mikrospektorale të dritës” dhe, sipas fjalëve të profesor Xhejms Jardlit, hidrati i karbonit të bojës së zezë në këtë papirus përputhet plotësisht me atë të 35 ose 40 dorëshkrimeve të tjera që janë analizuar në këtë laborator dhe që i takojnë kohës prej viteve 400 para erës sonë deri në vitet 700-800 të erës sonë.
Advertisement