Nëse jeni nga ato gra që flenë gjumë me sutjenat veshur, për të ruajtur formën e gjinjve, kjo nuk vlen për vitin 2014. Në fakt, një institut mjekësor izraelit, Orbix Medical, na paraqet “sutjenat e padukshme”, të cilat vishen… nën lëkurë. Më saktë, duhet t’i nënshtrohesh ndërhyrjes kirurgjikale për të vënë një lloj mbajtëseje nën secilin gji, e cila do të mbahet nga rripa të hollë mëndafshi, që do të lidhen me brinjët e kafazit të kraharorit. Ky operacion realizohet brenda një ore dhe instituti Orbix Medical premton një efekt ngritës të garantuar për 10 vjet. Drejtori i përgjithshëm i Orbixit, Yossi Mazel, ka dashur t’u dalë përpara kritikave, duke pretenduar se nuk do t’i “inkurajojë gratë t’i nënshtrohen kirurgjisë estetike”, por “të pakësojë rreziqet e saj”, pasi teknika e tij është “më pak dëmtuese dhe e rrezikshme sesa një operacion tradicional i shtimit të gjoksit”. Sido që të jetë, operacioni do të bëhet i mundur së shpejti edhe në Evropë dhe çmimi i tij ende nuk bëhet i ditur. Atëhere, jeni gati për t’u kthyer në një robot seksi?
Advertisement