{"id":5719,"date":"2014-11-07T21:00:19","date_gmt":"2014-11-07T20:00:19","guid":{"rendered":"http:\/\/intervista.al\/web\/?p=5719"},"modified":"2014-11-07T15:15:57","modified_gmt":"2014-11-07T14:15:57","slug":"e-shkaterrova-pa-dashje-martesen-e-tij","status":"publish","type":"post","link":"https:\/\/intervista.al\/web\/2014\/11\/e-shkaterrova-pa-dashje-martesen-e-tij\/","title":{"rendered":"E shkat\u00ebrrova pa dashje martes\u00ebn e tij!"},"content":{"rendered":"<p><em><\/em><\/p>\n<p>P\u00ebrsh\u00ebndetje miq t\u00eb gazet\u00ebs \u201cIntervista\u201d! Ju q\u00eb do ta lexoni historin\u00eb time, me siguri do t\u00eb mendoni q\u00eb kjo \u00ebsht\u00eb nj\u00eb histori me fund t\u00eb lumtur, ku dashurit\u00eb e m\u00ebdha p\u00ebrfundojn\u00eb bashk\u00eb. K\u00ebshtu mendoja edhe un\u00eb, por jo kjo histori u kthye ne makthin tim m\u00eb t\u00eb keq. Gjith\u00e7ka nisi pra tre vjet\u00ebsh, kur sapo kisha mbaruar matur\u00ebn dhe isha n\u00eb pritje t\u00eb shkoll\u00ebs s\u00eb lart\u00eb. Ishin pushimet verore q\u00eb, si\u00e7 dihet, jan\u00eb periudha m\u00eb e mir\u00eb p\u00ebr ta shfryt\u00ebzuar me shoq\u00ebrin\u00eb, kafet, baret, e festat e ndryshme, q\u00eb na \u00e7lodhnin nga gjith\u00eb ajo ngarkes\u00eb e vitit. Ishte nj\u00eb pasdite korriku ku kisha b\u00ebr\u00eb plan t\u00eb dilja, ashtu si \u00e7do mbasdite e zakonshme. N\u00eb nj\u00eb nga lokalet e kryeqytetit, rast\u00ebsisht takova nj\u00eb miken time t\u00eb vjet\u00ebr q\u00eb p\u00ebr shkak t\u00eb pun\u00ebs s\u00eb prind\u00ebrve t\u00eb saj, \u00ebsht\u00eb shp\u00ebrngulur n\u00eb Itali. Biseduam gjat\u00eb, kishim shum\u00eb p\u00ebr t\u2019i treguar nj\u00ebra-tjetr\u00ebs; ajo p\u00ebr jet\u00ebn e saj andej n\u00eb nj\u00eb vend t\u00eb huaj me njer\u00ebz t\u00eb rinj, nd\u00ebrsa un\u00eb, nga ana tjet\u00ebr, p\u00ebr jet\u00ebn e shkoll\u00ebn k\u00ebtu n\u00eb kryeqytet. Teksa bisedonim dhe qeshnim me aventurat tona, ajo priste nga \u00e7asti n\u00eb \u00e7ast t\u00eb takohej me miqt\u00eb e saj, k\u00ebshtu q\u00eb vendosa t\u00eb mos e lija vet\u00ebm. Nuk vonuan shum\u00eb dhe ishin pik\u00ebrisht ata q\u00eb na i nd\u00ebrpren\u00eb t\u00eb qeshurat. M\u00eb prezantoi si miken e saj t\u00eb vjet\u00ebr t\u00eb cil\u00ebn kishte koh\u00eb pa e takuar, por kaq mjaftoi p\u00ebr t\u00eb shk\u00ebmbyer shikimet, p\u00eblqimin dhe shtr\u00ebngimin e duarve n\u00eb at\u00eb moment me \u201cat\u00eb\u201d, me djalin q\u00eb nuk e mendoja kurr\u00eb se do t\u00eb b\u00ebhej pjes\u00eb e jet\u00ebs dhe mendimeve t\u00eb mia. Ajo mbr\u00ebmje kaloi shum\u00eb shpejt dhe, padashur, e gjet\u00ebm veten duke biseduar me nj\u00ebri-tjetrin. Kuptoheshim fare mir\u00eb. M\u00eb p\u00eblqente m\u00ebnyra se si fliste, si i logjikonte gj\u00ebrat dhe tipi i tij gazmor q\u00eb me ndonj\u00eb batut\u00eb m\u00eb b\u00ebnte t\u00eb skuqesha, por kishte ardhur momenti t\u00eb ngriheshim. U p\u00ebrsh\u00ebndet\u00ebm p\u00ebrs\u00ebri. Ai m\u00eb tha se i b\u00ebhej qejfi q\u00eb m\u00eb kishte takuar dhe se d\u00ebshironte t\u00eb takoheshim s\u00ebrish. Rruga p\u00ebr n\u00eb sht\u00ebpi at\u00eb nat\u00eb u b\u00eb m\u00eb e shkurt\u00ebr se net\u00ebt e tjera. Gjumi u zhduk nga syt\u00eb-k\u00ebmb\u00ebt dhe mendimet p\u00ebr t\u00eb, ua zun\u00eb vendin atyre t\u00eb zakonshmeve. Ai m\u00ebngjes ishte ndryshe, dielli kishte shtrir\u00eb rrezet e tij n\u00eb \u00e7do cep, nd\u00ebrsa n\u00eb fytyr\u00ebn time ishte shtrir\u00eb nj\u00eb buz\u00ebqeshje, arsyen e s\u00eb cil\u00ebs nuk po e kuptoja as vet\u00eb. Isha nj\u00eb vajz\u00eb e qet\u00eb, dashurit\u00eb dhe \u00e7mendurit\u00eb e adoleshenc\u00ebs nuk i kisha l\u00ebn\u00eb t\u00eb m\u00eb \u201cpreknin\u201d, vendin e tyre e kishin z\u00ebn\u00eb dashuria p\u00ebr librat, stduimet dhe nj\u00eb rreth shoq\u00ebror shum\u00eb i ngusht\u00eb q\u00eb dinte \u00e7do gj\u00eb p\u00ebr mua, por tani ishte shtuar edhe nj\u00eb detaj tjet\u00ebr, \u201cai\u201d. Ato muaj vere nuk e takova m\u00eb, por shum\u00eb shpejt edhe vera po mbaronte. N\u00eb fillim t\u00eb shtatorit, mikesha ime do t\u00eb kthehej n\u00eb Itali dhe p\u00ebr k\u00ebt\u00eb arsye, do t\u00eb organizonte nj\u00eb fest\u00eb fare t\u00eb vog\u00ebl me shoq\u00ebrin\u00eb e saj m\u00eb t\u00eb ngusht\u00eb, pjes\u00eb e s\u00eb cil\u00ebs isha edhe un\u00eb. Ky lajm m\u00eb g\u00ebzoi pa mas\u00eb sepse ishte festa e fundit e sezonit veror, por mbi t\u00eb gjitha, shpresoja shum\u00eb q\u00eb edhe ai t\u00eb ishte aty.<\/p>\n<p>Ashtu si \u00e7do vajz\u00eb tjet\u00ebr, doja q\u00eb at\u00eb nat\u00eb t\u00eb isha perfekte; ndoshta ajo ishte nata e fundit q\u00eb takoheshim. Kur mb\u00ebrrita, festa sapo kishte filluar. Takova t\u00eb gjith\u00eb t\u00eb ftuarit dhe i fundit ishte ai q\u00eb un\u00eb prisja. Emocionet e nat\u00ebs s\u00eb par\u00eb m\u00eb b\u00ebn\u00eb t\u00eb mos ia mbaja mend mir\u00eb emrin, por shoqja ime m\u00eb nxori nga situata duke th\u00ebn\u00eb: \u201cErg, e mban mend? Kjo \u00ebsht\u00eb J, shoqja ime q\u00eb e ke takuar para pak muajsh\u201d dhe ai pohoi me kok\u00eb. Kjo m\u00eb b\u00ebri t\u00eb shpresoja q\u00eb nuk e kishte harruar imazhin tim nga ajo nat\u00eb. M\u00eb puthi n\u00eb faqe, b\u00ebra sikur nuk m\u00eb interesonte, por brenda vetes u mbusha me g\u00ebzim. Ajo mbr\u00ebmje vazhdoi normalisht; nuk munguan bisedat, pijet, k\u00ebrcimi, t\u00eb qeshurat dhe dalloja q\u00eb ai b\u00ebnte t\u00eb pamundur\u00ebn p\u00ebr t\u00eb folur e p\u00ebr t\u00eb k\u00ebrcyer me mua. Nuk ishte e v\u00ebshtir\u00eb t\u2019ia lexoje shprehjen e fytyr\u00ebs teksa b\u00ebhej m\u00eb serioz kur m\u00eb binte rasti t\u00eb k\u00ebrceja me ndonj\u00eb djal\u00eb tjet\u00ebr n\u00eb tavolin\u00eb dhe sikur i b\u00ebhej qejfi kur un\u00eb i hidhja ndonj\u00eb fjal\u00eb tek-tuk. Dukej si ata f\u00ebmij\u00ebt \u00e7apk\u00ebn\u00eb dhe t\u00eb llastuar q\u00eb, kur u merr \u00ebmb\u00eblsir\u00ebn apo lodr\u00ebn e preferuar, m\u00ebrziten. T\u00eb ishte xhelozi? Veprimeve t\u00eb tij nuk arrija t\u2019u jepja nj\u00eb shpjegim t\u00eb sakt\u00eb. Ndoshta ishte nj\u00eb flirt i momentit apo ndoshta k\u00ebshtu sillej me t\u00eb gjitha? Por, ato pyetjet e momentit i nd\u00ebrpreu pik\u00ebrisht ai. \u201cJ, d\u00ebshiron ta k\u00ebrcesh me mua k\u00ebt\u00eb k\u00ebng\u00eb?\u201d. \u201cPo, patjet\u00ebr\u201d, i thash\u00eb. Ai filloi me pyetjet e tij, pa u menduar dy her\u00eb. \u201cK\u00ebshtu je gjithmon\u00eb? Kaq e urt\u00eb dhe e turpshme?\u201d. U skuqa p\u00ebr nj\u00eb \u00e7ast, por pastaj ia ktheva: \u201cN\u00eb p\u00ebrgjith\u00ebsi, po, m\u00eb p\u00eblqen m\u00eb shum\u00eb t\u00eb d\u00ebgjoj sesa t\u00eb flas. M\u00eb duket se paskemi mosp\u00ebrputhje karakteresh\u201d, vazhdova duke u munduar t\u00eb zbuloja ndonj\u00eb gj\u00eb nga ai. \u201cJo p\u00ebrkundrazi, m\u00eb tha duke buz\u00ebqeshur. Ky lloj karakteri ma shton kureshtjen m\u00eb shum\u00eb se\u00e7 duhet\u201d.<br \/>\nAi dialog i shkurt\u00ebr na p\u00ebrhumbi t\u00eb dyve, pa e kuptuar se fest\u00ebs po i vinte fundi. Nuk dija si t\u00eb ndihesha; e m\u00ebrzitur sepse aty mund t\u00eb mbaronte gjith\u00e7ka apo e lumtur sepse pata fatin t\u00eb isha me t\u00eb, edhe pse p\u00ebr pak? Ishte fillim tetori, p\u00ebrgjigjet e shkoll\u00ebs s\u00eb lart\u00eb kishin dal\u00eb. Kisha fituar n\u00eb deg\u00ebn e Drejt\u00ebsis\u00eb. Ishte nj\u00eb lajm shum\u00eb i bukur sepse gjithmon\u00eb e kam dashur drejt\u00ebsin\u00eb dhe mendoja t\u00eb b\u00ebhesha avokate. Po filloja t\u00eb ambientohesha me universitetin, shoq\u00ebrin\u00eb, dit\u00ebt filluan t\u00eb ngarkoheshin gjithmon\u00eb e m\u00eb shum\u00eb, shoq\u00ebria q\u00eb kisha krijuar tani ishte ndryshe; njer\u00ebz me nivel dhe shum\u00eb t\u00eb p\u00ebrgatitur. K\u00ebtu b\u00ebnin pjes\u00eb dhe dy shoqet me t\u00eb cilat po filloja t\u00eb shoq\u00ebrohesha. Ishin t\u00eb mira, m\u00ebsonin shum\u00eb dhe, p\u00ebr \u00e7do gj\u00eb, ndihmonim nj\u00ebra-tjetr\u00ebn. \u00c7do gj\u00eb shkonte normalisht. Nd\u00ebrkoh\u00eb, nga ana tjet\u00ebr, edhe pse nuk e kisha takuar m\u00eb Ergin, duhet ta pranoja q\u00eb e mendoja n\u00eb ato pak or\u00eb pushimi q\u00eb i falja vetes p\u00ebr t\u2019u qet\u00ebsuar. Ishin pushimet e sezonit, kisha m\u00ebsuar shum\u00eb p\u00ebr provimet e radh\u00ebs dhe kjo m\u00eb kishte b\u00ebr\u00eb t\u00eb harroja pjes\u00ebn tjet\u00ebr t\u00eb shoq\u00ebris\u00eb. At\u00eb nat\u00eb po flisja me miken time q\u00eb ishte larguar n\u00eb Itali.<br \/>\nN\u00eb bised\u00eb e sip\u00ebr, ajo m\u00eb p\u00ebrmendi Ergin, m\u00eb pyeti n\u00ebse kisha folur apo e kisha takuar. \u201cJo\u201d, i thash\u00eb dhe b\u00ebra sikur nuk m\u00eb interesonte. \u201cNuk kam patur koh\u00eb t\u00eb merrem me gj\u00ebra t\u00eb tjera p\u00ebrve\u00e7 librave\u201d. Ajo filloi t\u00eb m\u00eb fliste p\u00ebr t\u00eb, q\u00eb ai kishte marr\u00eb informacion p\u00ebr mua dhe donte t\u00eb m\u00eb takonte, kishte d\u00ebshir\u00eb t\u00eb m\u00eb njihte akoma m\u00eb shum\u00eb dhe t\u00eb dilnim m\u00eb shpesh. Nj\u00eb ndjenj\u00eb g\u00ebzimi m\u00eb p\u00ebrshkoi! Ai ishte interesuar p\u00ebr mua?! Dometh\u00ebn\u00eb, un\u00eb i interesoja, jo m\u00eb kot kishte pyetur! Me d\u00ebshir\u00ebn e madhe p\u00ebr t\u00eb dal\u00eb nga rutina e p\u00ebrditshme, pranova t\u00eb dilja me t\u00eb. Ishte takimi i par\u00eb, vet\u00ebm, pa njer\u00ebz t\u00eb tjer\u00eb, pa zhurm\u00eb. E lam\u00eb t\u00eb takoheshim n\u00eb nj\u00eb lokal t\u00eb qet\u00eb, pa shum\u00eb njer\u00ebz. Emocionet dhe stresi m\u00eb shoq\u00ebruan gjat\u00eb gjith\u00eb mbr\u00ebmjes. E kisha t\u00eb v\u00ebshtir\u00eb ta pranoja q\u00eb dal\u00ebngadal\u00eb p\u00eblqimi q\u00eb kisha p\u00ebr t\u00eb po kthehej n\u00eb nj\u00eb ndjenj\u00eb m\u00eb t\u00eb madhe dhe t\u00eb fort\u00eb. Po dashurohesha pas tij! E shikoja dhe dukej si nj\u00eb njeri jo real, dukej si ata engj\u00ebjt q\u00eb nuk lodhesh duke i par\u00eb dhe nuk m\u00ebrzitesh duke i d\u00ebgjuar. Kishte nj\u00eb pamje perfekte, e harmonizuar me bot\u00ebn e tij shpirt\u00ebrore. I adhuroja t\u00eb till\u00eb njer\u00ebz e ndoshta fati po ma plot\u00ebsonte k\u00ebt\u00eb d\u00ebshir\u00eb, p\u00ebr t\u00eb patur n\u00eb krah nj\u00eb njeri t\u00eb till\u00eb. Bisedat me t\u00eb ishin interesante, ai fliste p\u00ebr librat e dashurin\u00eb. Ishte romantik dhe ky ishte nj\u00eb detaj q\u00eb nuk e kisha zbuluar deri dit\u00ebn q\u00eb m\u00eb propozoi. Kishte menduar \u00e7do detaj t\u00eb asaj nate, nd\u00ebrkoh\u00eb q\u00eb mua m\u00eb kishte l\u00ebn\u00eb t\u00eb kuptoja q\u00eb do t\u00eb ishte nj\u00eb takim si gjith\u00eb t\u00eb tjer\u00ebt. N\u00eb bised\u00eb e sip\u00ebr, m\u2019u afrua dhe m\u00eb shtr\u00ebngoi dor\u00ebn duke m\u00eb shikuar me ata syt\u00eb e tij jeshil\u00eb. Tha nj\u00eb fjali q\u00eb nuk e kuptova mir\u00eb, ose m\u00eb sakt\u00eb&#8230; b\u00ebra sikur nuk e kuptova. Kjo na b\u00ebri t\u00eb dyve t\u00eb skuqeshim dhe filluam t\u00eb qeshnim si dy adoleshent\u00eb. Kjo e b\u00ebri at\u00eb ta p\u00ebrs\u00ebriste s\u00ebrish t\u00eb nj\u00ebjt\u00ebn fjali, por k\u00ebt\u00eb her\u00eb t\u00eb dy u b\u00ebm\u00eb serioz\u00eb. \u201cA d\u00ebshiron t\u00eb lidhesh me mua dhe bashk\u00eb t\u00eb krijojm\u00eb nj\u00eb lidhje si ato t\u00eb p\u00ebrrallave?\u201d. N\u00eb sfond na shoq\u00ebronte nj\u00eb muzik\u00eb e qet\u00eb. Tani po q\u00eb s\u2019kisha nga t\u00eb shkoja, nuk flisja dot, nuk qeshja. Nuk munda t\u00eb b\u00ebja asnj\u00eb gjest tjet\u00ebr, thjesht ngriva dhe nxora nj\u00eb gjys\u00ebm \u201cpo\u201d, si p\u00ebrgjigje. Kjo, jo sepse nuk doja, por sepse \u00e7do gj\u00eb ndodhi shum\u00eb shpejt, isha e hutuar dhe prania e tij p\u00ebrball\u00eb meje me \u00e7orientonte. Aty ndodhi ajo q\u00eb prej koh\u00ebsh e prisnim t\u00eb dy, puthja jon\u00eb e par\u00eb. Nuk di t\u00eb them n\u00ebse zgjati aq shum\u00eb apo koha n\u00eb at\u00eb moemnt ndaloi&#8230; Q\u00eb nga ai moment, \u00e7do gj\u00eb ndryshoi n\u00eb jet\u00ebn time, kisha gjall\u00ebri n\u00eb shpirt, m\u2019i b\u00ebnte dit\u00ebt m\u00eb t\u00eb bukura, gjithnj\u00eb m\u00eb surprizonte me ndonj\u00eb lule apo lib\u00ebr i ri. Ai e dinte q\u00eb ato ishin t\u00eb preferuarat e mia. Si n\u00eb \u00e7do lidhje, kishim edhe ne z\u00ebnkat tona t\u00eb cilat b\u00ebheshin t\u00eb par\u00ebnd\u00ebsishme n\u00eb momentet q\u00eb ishim bashk\u00eb. Muajt vazhdonin normalisht dhe viti i par\u00eb i univeristetit doli shum\u00eb m\u00eb mir\u00eb nga sa e kisha menduar. Kisha dy gj\u00ebra t\u00eb r\u00ebnd\u00ebsishme p\u00ebr t\u2019u kushtuar v\u00ebmendje; njeriut q\u00eb m\u00eb ndryshoi rrjedh\u00ebn e jet\u00ebs dhe dalja me sukses n\u00eb provime. K\u00ebto pushime ishin ndryshe sepse k\u00ebt\u00eb vit ai mbushte dit\u00ebt e mia dhe n\u00ebse nuk dilja apo t\u00eb k\u00ebnaqesha n\u00eb nj\u00eb party me shoq\u00ebrin\u00eb, mjaftonte t\u00eb flisja me at\u00eb dhe \u00e7do gj\u00eb ishte perfekte. Or\u00ebt e vona t\u00eb nat\u00ebs na gjenin gjithmon\u00eb duke biseduar me nj\u00ebri-tjetrin. \u00c7do muaj festonim dit\u00ebn kur u njoh\u00ebm; ishte nj\u00eb dit\u00eb e sh\u00ebnuar p\u00ebr t\u00eb dy. Ai fal\u00ebnderonte Zotin p\u00ebr mua, un\u00eb fal\u00ebnderoja rast\u00ebsin\u00eb q\u00eb e solli n\u00eb rrug\u00ebn time. K\u00ebshtu, kur un\u00eb isha n\u00eb vitin e dyt\u00eb, ai kishte mbaruar vitin e fundit master p\u00ebr Psikologji. Po afrohej nj\u00eb vjetori i lidhjes son\u00eb. Kisha muaj q\u00eb e prisja k\u00ebt\u00eb moment dhe m\u00eb dukej sikur koha nuk kishte kaluar fare. Po filloja t\u00eb mendoja p\u00ebr detajet e asaj dite. Kisha edhe mb\u00ebshtetjen e shoqeve t\u00eb mia q\u00eb m\u00eb ndihmonin q\u00eb \u00e7do gj\u00eb t\u00eb dilte perfekte, por te nj\u00ebra nga shoqet dallova disa ndryshime n\u00eb sjellje. Shmangte bisedat me mua dhe g\u00ebnjeshtrat shtoheshin \u00e7do dit\u00eb. Dukej sikur donte t\u00eb m\u00eb tregonte di\u00e7ka, por stepej sepse dukej sikur nga ajo q\u00eb do t\u00eb m\u00eb tregonte do ndryshonte \u00e7do gj\u00eb dhe e gjith\u00eb ajo lumturi do shembej para meje. Por, i hoqa k\u00ebto mendime nga koka sepse nuk ishte momenti t\u00eb mendoja p\u00ebr k\u00ebto gj\u00ebra tani. Kisha di\u00e7ka m\u00eb t\u00eb r\u00ebnd\u00ebsishme dhe nuk doja q\u00eb asgj\u00eb dhe askush ta prishte at\u00eb moment. Ishte nj\u00eb dit\u00eb e gjat\u00eb, e mbushur me surpriza. Ai m\u00eb surprizonte gjithmon\u00eb me idet\u00eb e tij, mundohej t\u00eb b\u00ebnte gjith\u00e7ka q\u00eb t\u00eb isha e lumtur. B\u00ebm\u00eb bashk\u00eb nj\u00eb vit dhe un\u00eb nuk e besoja dot se kisha n\u00eb krah nj\u00eb mashkull q\u00eb \u00e7dokush do ta kishte zili. Ishte nj\u00eb mashkull i kompletuar me nj\u00eb pun\u00eb dhe profesion, por thell\u00eb brenda tij kishte nj\u00eb pjes\u00eb ndryshe, t\u00eb cil\u00ebn e p\u00ebrdorte gjithmon\u00eb kur rrinim bashk\u00eb. Me t\u00eb mund t\u00eb thurje \u00ebndrra, mund t\u00eb shkoje n\u00eb fund t\u00eb bot\u00ebs, thjesht, duke mbyllur syt\u00eb. Ai m\u00eb shtr\u00ebngonte fort dhe m\u00eb b\u00ebnte t\u00eb futesha n\u00eb bot\u00ebn e tij f\u00ebminore. \u00cbndrra kishim t\u00eb dy, por ai gjithmon\u00eb m\u00eb thoshte: \u201cDua t\u00eb jesh ti n\u00ebna e f\u00ebmij\u00ebve t\u00eb mi dhe gruaja q\u00eb do ta dua gjith\u00eb jet\u00ebn\u201d. Eh, ato dreq \u00ebndrrash m\u00eb b\u00ebn\u00eb t\u00eb mos q\u00ebndroja m\u00eb me k\u00ebmb\u00eb n\u00eb tok\u00eb! Kishte ardhur momenti q\u00eb t\u00eb njihesha edhe me pjes\u00ebtar\u00ebt e tjer\u00eb t\u00eb familjes s\u00eb tij. Doja t\u2019i njihja t\u00eb gjith\u00eb, por kjo d\u00ebshir\u00eb e imja filloi t\u00eb kthehej n\u00eb z\u00ebnk\u00eb sa her\u00eb e p\u00ebrmendja. \u201cNuk kam nj\u00eb jet\u00eb familjare t\u00eb lumtur, m\u00eb thoshte gjithmon\u00eb. Nuk dua t\u00eb t\u00eb m\u00ebrzis edhe ty me problemet e mia, prandaj ky nuk \u00ebsht\u00eb momenti i duhur p\u00ebr t\u2019u takuar me ata.\u201d Duke besuar te fjal\u00ebt dhe sinq\u00ebriteti i tij, nuk doja ta m\u00ebrzisja m\u00eb tep\u00ebr pasi mendoja se do t\u00eb ishte v\u00ebrtet e trisht\u00eb t\u00eb mos kishe harmoni n\u00eb familje. N\u00ebse ai m\u00ebrzitej, un\u00eb m\u00ebrzitesha dyfish. Ishim mjaft mir\u00eb dhe nuk doja t\u00eb prishja gjith\u00e7ka, k\u00ebshtu q\u00eb k\u00ebt\u00eb takim ia lash\u00eb koh\u00ebs, por ndonj\u00ebher\u00eb fati tregohet i pam\u00ebshirsh\u00ebm me dashurit\u00eb e m\u00ebdha, me dashurit\u00eb si kjo e jona. E jona? Nuk e di n\u00ebse ishte vet\u00ebm e imja apo e jona. M\u00ebrzitjet e tij ishin t\u00eb rralla dhe ato pak her\u00eb q\u00eb ndodhte t\u00eb ishte, fajin ia vinte pun\u00ebs s\u00eb tep\u00ebrt, orareve t\u00eb vona dhe gj\u00ebrave t\u00eb tilla. Nuk kisha rrug\u00eb tjet\u00ebr p\u00ebrve\u00e7se t\u2019i besoja \u00e7do fjale q\u00eb fliste, por kjo situat\u00eb nisi t\u00eb b\u00ebhej shum\u00eb e shpesht\u00eb. Ndonj\u00ebher\u00eb kishte dit\u00eb q\u00eb s\u2019m\u00eb takonte, telefonatat b\u00ebheshin m\u00eb t\u00eb rralla, ndjeja se di\u00e7ka nuk po shkonte mir\u00eb. Nuk doja q\u00eb gjendja e tij familjare t\u00eb ndikonte n\u00eb lidhjen ton\u00eb. Un\u00eb isha gjithmon\u00eb aty p\u00ebr t\u00eb, doja ta ndihmoja dhe \u00e7do gj\u00eb ta kalonim bashk\u00eb, por as kjo nuk e b\u00ebri t\u00eb ndryshonte mendim. Kjo gjendje po r\u00ebndohej akoma m\u00eb shum\u00eb. Frika dhe dyshhimet po b\u00ebheshin mbyt\u00ebse. Nuk m\u00eb ngelej gj\u00eb tjet\u00ebr ve\u00e7se q\u00eb p\u00ebr k\u00ebt\u00eb shqet\u00ebsim timin, t\u2019u hapesha shoqeve t\u00eb mia. Kisha nevoj\u00eb p\u00ebr k\u00ebshilla, p\u00ebr njer\u00ebz q\u00eb t\u00eb m\u00eb kuptonin, q\u00eb t\u00eb m\u00eb hapnin syt\u00eb sepse isha e verbuar nga dashuria dhe k\u00ebt\u00eb ia pranoja shpesh vetes. Nj\u00eb \u201cbudallaqe e dashuruar\u201d. Nj\u00eb nat\u00eb m\u00eb ra celulari dhe, nga g\u00ebzimi se mos d\u00ebgjoja z\u00ebrin e tij thash\u00eb: \u201cAlo zem\u00ebr\u201d, por nga ana tjet\u00ebr si p\u00ebrgjigje mora vet\u00ebm heshtje. Sa b\u00ebra ta pyesja se kush ishte, telefonata u nd\u00ebrpre. M\u2019u duk situat\u00eb e \u00e7uditshme, por nuk u mendova dy her\u00eb se t\u00eb nes\u00ebrmen kisha nj\u00eb provim me r\u00ebnd\u00ebsi, k\u00ebshtu q\u00eb fjeta her\u00ebt, por me at\u00eb n\u00eb mendje. Pasi dola nga provimi, shoqja ime, Sara, po m\u00eb priste te hyrja e shkoll\u00ebs. \u201cSa mir\u00eb q\u00eb erdhe\u201d, i thash\u00eb dhe mor\u00ebm rrug\u00ebn p\u00ebr te lokali p\u00ebrball\u00eb universitetit. N\u00eb bised\u00eb e sip\u00ebr, ajo po m\u00eb dukej shum\u00eb e shqet\u00ebsuar. E pyeta n\u00ebse kishte ndodhur di\u00e7ka, por s\u2019po dinte nga t\u2019ia fillonte. \u201cKam shum\u00eb koh\u00eb q\u00eb dua t\u00eb flas me ty&#8230;\u201d, m\u00eb tha. Nuk e kuptoja se ku donte t\u00eb dilte me k\u00ebto fjal\u00eb dhe sapo nisa t\u00eb flas, m\u00eb nd\u00ebrpreu. \u201cAi \u00ebsht\u00eb i martuar. Nuk ia vlen t\u00eb vazhdosh m\u00eb me t\u00eb.\u201d Nuk po u besoja vesh\u00ebve, m\u00eb ngriu i gjith\u00eb trupi dhe lot\u00ebt po m\u00eb rridhnin pa pushim. Nuk dija si t\u00eb reagoja. \u201cTi nuk je mir\u00eb. Si mund t\u00eb m\u00eb thuash gj\u00ebra t\u00eb tilla? Ne kemi nj\u00eb vit bashk\u00eb dhe ai s\u2019do t\u00eb ma b\u00ebnte kurr\u00eb k\u00ebt\u00eb.\u201d \u201cT\u00eb lutem, m\u00eb beso, ai \u00ebsht\u00eb kush\u00ebriri im i larg\u00ebt. Un\u00eb kam qen\u00eb e ftuar n\u00eb dasm\u00ebn e tij. Ka dy vjet q\u00eb \u00ebsht\u00eb martuar, por koh\u00ebt e fundit kjo martes\u00eb po shkat\u00ebrrohet, po shkon drejt divorcit. Kuptoje k\u00ebt\u00eb!\u201d.<br \/>\nNuk fola m\u00eb asnj\u00eb fjal\u00eb, u ngrita furish\u00ebm nga tavolina, mora gj\u00ebrat e mia dhe me lot n\u00eb sy p\u00ebrplasa der\u00ebn me sa fuqi kisha. Nuk dija ku t\u00eb shkoja, doja t\u00eb qaja pa fund, por lot\u00ebt po m\u00eb mbaronin. Inati dhe t\u00ebrbimi i atij momenti m\u00eb erdhi me doza t\u00eb forta. Gjith\u00e7ka p\u00ebrreth m\u2019u err\u00ebsua. I telefonova dhe e lash\u00eb t\u00eb takoheshim. M\u00eb tha se kishte pun\u00eb dhe nuk mundej, por k\u00ebt\u00eb her\u00eb shkova dhe e prita te vendi ku takoheshim gjithmon\u00eb. Po prisja me padurim nj\u00eb shpjegim nga ai. Sa m\u00eb pa n\u00eb at\u00eb gjendje, ai po mundohej t\u00eb dilte nga situata, si\u00e7 b\u00ebnte gjithmon\u00eb me ato justifikimet e tij idiote. Nuk doja ta shikoja m\u00eb, ia b\u00ebra t\u00eb qart\u00eb se \u00e7do gj\u00eb q\u00eb kishte ndodhur deri tani mes nesh, kishte qen\u00eb nj\u00eb g\u00ebnjesht\u00ebr e madhe. M\u00eb kishte kthyer n\u00eb nj\u00eb p\u00ebrbind\u00ebsh q\u00eb vet\u00ebm kthetrat i kishin ngelur pa nxjerrr\u00eb p\u00ebr t\u2019ia \u00e7jerr\u00eb mask\u00ebn e tij t\u00eb \u201cpanjohur\u201d q\u00eb gjendej p\u00ebrball\u00eb meje. P\u00ebr her\u00eb t\u00eb par\u00eb, kuptova se kisha patur lidhje me burr\u00eb t\u00eb martuar, por kjo ndarje dhembte deri n\u00eb qeliz\u00eb. \u201cSi munde kur t\u2019u dhurua nj\u00eb dashuri pa kushte, e pafajshme, e sinqert\u00eb? Si munde t\u00eb ma b\u00ebj\u00eb k\u00ebt\u00eb?\u201d, i thash\u00eb dhe, pas k\u00ebsaj fjalie, u zhduka. Doja t\u00eb zhdukesha nga t\u00eb gjitha p\u00ebrpjekjet e tij p\u00ebr t\u2019u kthyer me mua. E lash\u00eb t\u00eb kuptonte q\u00eb m\u00eb kishte humbur p\u00ebrgjithmon\u00eb. Nuk duhej t\u00eb kisha ndjer\u00eb kurr\u00eb p\u00ebr t\u00eb&#8230; e grisa foton ton\u00eb q\u00eb e mbaja t\u00eb ruajtur me fanatiz\u00ebm.<br \/>\nTashm\u00eb, ai \u00ebsht\u00eb nj\u00eb kapitull i mbyllur dhe n\u00eb k\u00ebt\u00eb moment jam m\u00eb e fort\u00eb se kurr\u00eb. Me koh\u00ebn u sh\u00ebrova nga ai dhe tani kam realizuar \u00ebndrr\u00ebn time: Mbarova universitetin dhe kam hapur zyr\u00ebn time t\u00eb avokatis\u00eb!<\/p>\n","protected":false},"excerpt":{"rendered":"<p>P\u00ebrsh\u00ebndetje miq t\u00eb gazet\u00ebs \u201cIntervista\u201d! Ju q\u00eb do ta lexoni historin\u00eb time, me siguri do t\u00eb mendoni q\u00eb kjo \u00ebsht\u00eb nj\u00eb histori me fund t\u00eb lumtur, ku dashurit\u00eb e m\u00ebdha p\u00ebrfundojn\u00eb bashk\u00eb. K\u00ebshtu mendoja edhe un\u00eb, por jo kjo histori u kthye ne makthin tim m\u00eb t\u00eb keq. Gjith\u00e7ka nisi pra tre vjet\u00ebsh, kur sapo [&hellip;]<\/p>\n","protected":false},"author":5,"featured_media":5720,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[95],"tags":[],"class_list":["post-5719","post","type-post","status-publish","format-standard","has-post-thumbnail","hentry","category-rrefime-mekatesh"],"_links":{"self":[{"href":"https:\/\/intervista.al\/web\/wp-json\/wp\/v2\/posts\/5719","targetHints":{"allow":["GET"]}}],"collection":[{"href":"https:\/\/intervista.al\/web\/wp-json\/wp\/v2\/posts"}],"about":[{"href":"https:\/\/intervista.al\/web\/wp-json\/wp\/v2\/types\/post"}],"author":[{"embeddable":true,"href":"https:\/\/intervista.al\/web\/wp-json\/wp\/v2\/users\/5"}],"replies":[{"embeddable":true,"href":"https:\/\/intervista.al\/web\/wp-json\/wp\/v2\/comments?post=5719"}],"version-history":[{"count":0,"href":"https:\/\/intervista.al\/web\/wp-json\/wp\/v2\/posts\/5719\/revisions"}],"wp:featuredmedia":[{"embeddable":true,"href":"https:\/\/intervista.al\/web\/wp-json\/wp\/v2\/media\/5720"}],"wp:attachment":[{"href":"https:\/\/intervista.al\/web\/wp-json\/wp\/v2\/media?parent=5719"}],"wp:term":[{"taxonomy":"category","embeddable":true,"href":"https:\/\/intervista.al\/web\/wp-json\/wp\/v2\/categories?post=5719"},{"taxonomy":"post_tag","embeddable":true,"href":"https:\/\/intervista.al\/web\/wp-json\/wp\/v2\/tags?post=5719"}],"curies":[{"name":"wp","href":"https:\/\/api.w.org\/{rel}","templated":true}]}}