![\"CYMERA_20160514_203544\"](\"http:\/\/intervista.al\/web\/wp-content\/uploads\/2016\/05\/CYMERA_20160514_203544-150x150.jpg\")
T\u00eb jesh nj\u00eb model n\u00eb Shqip\u00ebri \u00ebsht\u00eb tep\u00ebr e v\u00ebshtire, mos t\u00eb themi se fjala \u201cmodel\u201d \u00ebsht\u00eb m\u00eb shum\u00eb pseudonim se nj\u00eb profesion…. N\u00eb Shqip\u00ebri nuk njohim asnj\u00eb model t\u00eb mir\u00ebfillt\u00eb, q\u00eb e ushtron k\u00ebt\u00eb si profesion.\nNj\u00eb nga arsyet \u00ebsht\u00eb se ata jan\u00eb t\u00eb paragjykuar p\u00ebr shum\u00eb e shum\u00eb motive q\u00eb zanafill\u00ebn e kan\u00eb nga organizator\u00ebt e eventeve p\u00ebr meshkuj t\u00eb cil\u00ebt kan\u00eb abuzuar me meshkujt ose m\u00eb sakt\u00eb i kan\u00eb provokuar dhe \u201cshitur\u201d n\u00eb forma t\u00eb ndryshme. Disa “agjenci modelingu” i mashtrojn\u00eb duke u th\u00ebn\u00eb \u201cregjistrohu tek ne me kaq lek dhe do reklamohesh\u201d. M\u00eb von\u00eb i nxjerrin n\u00eb shume reklama, spote etj. dhe u thon\u00eb se s\u2019mund t\u00eb marrin lek\u00eb pasi jan\u00eb fillestar\u00eb dhe k\u00ebt\u00eb e b\u00ebjn\u00eb shum\u00eb agjenci q\u00eb veprojn\u00eb n\u00eb Shqip\u00ebri, emrat e t\u00eb cilave, edhe pse jan\u00eb t\u00eb njohur, nuk do t’i p\u00ebrmend p\u00ebr arsye etike. Shfryt\u00ebzimi b\u00ebhet n\u00eb m\u00ebnyrat m\u00eb t\u00eb paimagjinueshme… K\u00ebto asgjenci dhe persona drejtues jan\u00eb denoncuar dhe n\u00eb redaksin\u00eb e \u201cTouch Fashion\u201d, si edhe n\u00eb polici etj.
\nE duke par\u00eb k\u00ebt\u00eb t\u00eb shkuar t\u00eb hidhur t\u00eb gjith\u00eb jan\u00eb t\u00eb t\u00ebrhequr pak nga pak nga kjo fush\u00eb. Njohim disa djem t\u00eb bukur n\u00eb kryeqytet t\u00eb cil\u00ebt kan\u00eb marr\u00eb pjes\u00eb n\u00eb shum\u00eb reklama, spote dhe evente t\u00eb ndryshme p\u00ebr meshkuj n\u00eb fush\u00ebn e mod\u00ebs, dhe t\u00eb gjith\u00eb ata jan\u00eb cil\u00ebsuar si model “elite” t\u00eb kryqytetit shqiptar. Por kur i pyet se ku punoni, ata i gjen PR club-esh ose jan\u00eb larguar n\u00eb emigracion. Kur i pyet \u201cPse nuk jeni aktiv n\u00eb media dhe n\u00ebse ata jan\u00eb model?,\u201d p\u00ebrgjigjja e tyre \u00ebsht\u00eb: \u201cNuk jemi model, ne e b\u00ebjm\u00eb p\u00ebr pasion dhe na ofrojn\u00eb n\u00eb reklama etj., por nuk jemi model dhe as q\u00eb jemi n\u00eb agjenci mode…\u201d
\nShum\u00eb t\u00eb tjer\u00eb jan\u00eb larguar nga Shqip\u00ebria dhe p\u00ebr t\u00eb nisur k\u00ebt\u00eb karrier\u00eb p\u00ebrtej kufijve tan\u00eb. Ka shum\u00eb model\u00eb shqiptar\u00eb q\u00eb kan\u00eb tashm\u00eb nj\u00eb karrier\u00eb t\u00eb suksesshme jasht\u00eb kufijve shqiptar pasi nuk kan\u00eb mundur t\u00eb \u00e7ajn\u00eb k\u00ebtu p\u00ebr shkak t\u00eb m\u00ebnyr\u00ebs s\u00eb funksionimit t\u00eb k\u00ebtyre agjencive dhe m\u00ebnyr\u00ebs se si trajtohen.
\nModel\u00ebt n\u00eb Shqip\u00ebri paguhen shum\u00eb pak mos t\u00eb them 50 mij\u00eb lek\u00eb t\u00eb vjetra ose e b\u00ebjn\u00eb k\u00ebt\u00eb pun\u00eb pa lek\u00eb vet\u00ebm p\u00ebr t\u00eb mbajtur gjall\u00eb pasionin p\u00ebr “modelingun”. N\u00eb k\u00ebt\u00eb m\u00ebnyr\u00eb ata zgjedhin t\u00eb b\u00ebjn\u00eb pun\u00eb t\u00eb tjera. P\u00ebrgjith\u00ebsisht ata punojn\u00eb PR p\u00ebr t\u00eb t\u00ebrhequr klientel\u00ebn me ndjek\u00ebsit e tyre.
\nArsyeja tjet\u00ebr \u00ebsht\u00eb se nuk ka mod\u00eb p\u00ebr meshkuj n\u00eb Shqip\u00ebri. Duke par\u00eb karakterin dhe mentalitetin e nj\u00eb mashkulli shqiptar \u00ebsht\u00eb shum\u00eb e v\u00ebshtir\u00eb q\u00eb t\u00eb ecet p\u00ebrpara n\u00eb k\u00ebt\u00eb fush\u00eb ku vler\u00ebsohet e bukura, dhe \u00e7ka \u00ebsht\u00eb p\u00ebr tu cekur \u00ebsht\u00eb q\u00eb shqiptar\u00ebt kopjojn\u00eb duke dashur t\u00eb b\u00ebjn\u00eb model\u00ebt shqiptar\u00eb si model\u00ebt italian. Mir\u00ebpo kjo \u00ebsht\u00eb e pamundur pasi shqiptar\u00ebt jan\u00eb komplet ndryshe nga italian\u00ebt dhe duhet t\u00eb ken\u00eb mod\u00ebn e tyre dhe t\u00eb transmetojn\u00eb modelin karakteristik shqiptar\u00eb.
\nEsht\u00eb p\u00ebr t\u00eb ardhur keq q\u00eb n\u00eb Shqip\u00ebri jan\u00eb pak krijues mode p\u00ebr meshkuj dhe ata q\u00eb jan\u00eb kur b\u00ebjn\u00eb spote, marrin miqt\u00eb e tyre q\u00eb jan\u00eb t\u00eb bukur dhe kaq. P\u00ebr ta nuk ka r\u00ebnd\u00ebsi n\u00eb qoft\u00eb se di t\u00eb jap\u00eb mesazhin me veshjen q\u00eb ka apo jo, ato thjesht b\u00ebjn\u00eb foto, por s\u2019mund t\u00eb themi q\u00eb din\u00eb t\u00eb prezantojn\u00eb produktin e tyre me fytyra dhe djem q\u00eb nuk kan\u00eb eksperienc\u00eb si model q\u00eb t\u00eb din\u00eb t\u00eb sjellin shije dhe produkt n\u00eb pozat e tyre.
\nNuk mund t\u00eb sjellim ndryshim t\u00eb k\u00ebtij metaliteti t\u00eb pakt\u00ebn p\u00ebr sa koh\u00eb q\u00eb meshkut druhen t\u00eb quhen model apo t\u00eb pozojn\u00eb lirsh\u00ebm para aparatit fotografik, e realisht nuk \u00ebsht\u00eb faji tyre, por i atyre q\u00eb u p\u00ebrpoq\u00ebn q\u00eb n\u00eb fillimet e bumit t\u00eb k\u00ebsaj industrie keqp\u00ebrdor\u00ebn k\u00ebt\u00eb term dhe e shfryt\u00ebzuan p\u00ebr keq.
\nMendoj q\u00eb do kemi nj\u00eb fushat\u00eb p\u00ebr nd\u00ebrgjegj\u00ebsimit dhe t\u00eb krijimit t\u00eb imazhit t\u00eb modelit shqiptar. Kjo do jet\u00eb nisma ime s\u00eb shpejti pasi nuk dua q\u00eb model\u00ebt shqiptar\u00eb t\u00eb jen\u00eb PR club-esh, por t\u00eb jen\u00eb v\u00ebrtet\u00eb model dhe t\u00eb jen\u00eb krenar p\u00ebr aq koh\u00eb sa ata jan\u00eb t\u00eb till\u00eb dhe mund t\u00eb mbajn\u00eb mbi supe fjal\u00eb t\u00eb till\u00eb dhe em\u00ebrtim t\u00eb till\u00eb. Ju them t\u00eb gjith\u00ebve q\u00eb un\u00eb s\u2019kam punuar kurr\u00eb m\u00eb par\u00eb me model meshkuj, por njoh t\u00eb till\u00eb pa fund dhe e kuptoj realitetin e tyre q\u00eb n\u00eb fakt nuk \u00ebsht\u00eb i till\u00eb p\u00ebr ta, por p\u00ebr pjes\u00ebn tjet\u00ebr q\u00eb k\u00ebt\u00eb profesion e kan\u00eb keqkuptuar apo kan\u00eb marr\u00eb inate p\u00ebr disa arsye banale q\u00eb d\u00ebgjohen kafeneve.<\/p>\n","protected":false},"excerpt":{"rendered":"