Të enjten, ministria greke e Emigracionit, në zbatim të premtimeve elektorale të kryeministrit Aleksis Cipras, nxorri për diskutim publik projektligjin për disa ndryshime në Kodin e Emigracionit dhe Dhënien e Nënshtetësisë për Brezin e dytë të Emigrantëve, projektligj shumë i pritur nga gjithë emigrantët shqiptarë në Greqi. Në lidhje me këtë projektligj, ne intervistuam zotin Fatos Malaj, ndërmjetës ndërkulturor pranë prefekturës së Athinës, specialist i çështjeve të emigracionit, njëkohësisht dhe një nga njerëzit që është marrë me hartimin e këtij projektligji.
Artan Kristo: – Sa shqiptarë do të përfitojnë nga ky projektligj?
Fatos Malaj: – Janë rreth 240 mijë shqiptarë që do të përfitojnë nënshtetësi ose leje qëndrimi nga ky projektligj…
– Kaq shumë?!
– Po. Rreth 100 mijë janë vetëm të rinjtë nga brezi i dytë i emigrantëve që përfitojnë nga ky projekt, rreth 80 mijë janë ata që kanë humbur të drejtën e leje-qëndrimit, që do të bëhen sërish të ligjshëm, si dhe rreth 60 mijë janë gratë që kanë lindur fëmijë këtu, që janë “të paligjshme” dhe që direkt bëhen të ligjshme me aprovimin e këtij projekti.
– A mund t’i marrim një e nga një kategoritë e përfituesve? Cilët fëmijë përfitojnë, sipas projektligjit?
– Janë katër grupime përfituesish. Grupimi i parë janë të gjithë fëmijët që janë lindur në Greqi, të cilët do ta marrim nënshtetësinë që me fillimin e klasës së parë të ciklit të ulët. Përfituesit e dytë janë ata që kanë bërë 9 vjet shkollë në Greqi, 6 vjet cikli i ulët (dimotiko) dhe 3 cikli i lartë (gimnasio). Grupi i tretë janë fëmijët që nuk kanë bërë ciklin e ulët, por 3 vjet gimnasio dhe tre vjet shkollën e mesme (likio). Dhe grupi i katërt…
Lexoni artikullin e plote ne gazeten INTERVISTA te kesaj jave. Gazeten INTERVISTA tani mund ta blini edhe në Greqi, në kioskat ku shitet shtypi i huaj. Nëse nuk e gjeni në kiosken pranë jush, na dërgoni një sms në 6938691274.
