Jam një 40 vjeçar, kam bërë një një vit burg,
dua të di sa është periudha e rehabilitimit pas kryerjes së burgut,
a varet nga lloji i veprës penale dhe sa më takon muaj të kryej?
Avokat Harbi Aliaj, cel 0682044002:- Përshëndetje! Nuk ka një “kohë fikse” të asaj që konsiderohet si rehabilitim. Kjo varet nga një sërë faktorësh, ku ndër me kryesoret renditet momenti i marrjes së vendimit penal foemë të prerë. Kjo përkon me kohën kur vendimi Gjyaktës së Shkallës së parë nuk është ankimuar brenda 10 ditëve nga e nesërmja e shpalljes zë tij ose kur është shprehur me vendim Gjykata e Apelit. Ky moment ka rëndësi të madhe jo vetëm juridike edhe matematike, pasi nga ky moment lind, procedura e kalkulimit të masës dhe llojit të dënimit, e lidhur kjo me institutin e rehabilitimit. Kodi penal shprehet qartë në lidhje me këtë institute, teksa i quan të padënuar:
a) ata që janë dënuar me burgim për një kohë deri në gjashtë muaj ose me çdo dënim tjetër më të lehtë dhe që gjatë dy vjetëve nga dita e vuajtjes së dënimit nuk kanë kryer vepër tjetër penale;
b) ata që janë dënuar me burgim për një kohë nga gjashtë muaj gjer në pesë vjet dhe që gjatë pesë vjetëve nga dita e vuajtjes së dënimit nuk kanë kryer vepër tjetër penale;
c) ata që janë dënuar me burgim për një kohë nga pesë gjer në dhjetë vjet dhe që gjatë shtatë vjetëve nga dita e vuajtjes së dënimit nuk kanë kryer vepër tjetër penale;
ç) ata që janë dënuar me burgim për një kohë nga dhjetë gjer në njëzet e pesë vjet dhe që gjatë dhjetë vjetëve nga dita e vuajtjes së dënimit nuk kanë kryer vepër tjetër penale.
