Ndarja e Stines nga Graciela ka qenë një nga ndarjet më të bujshme të vitit që lamë pas.
Lajmin e ndarjes e dha Stine i cili bënte të ditur se gjërat mes tyre nuk shkuan siç duhet. Pas Stines foli edhe Graciela e cila tregoi se e mirëkuptoi zgjedhjen e ish-partnerit për ta bërë publik lajmin e ndarjes.
Por Stine i habiti të gjithë ditën e djeshme gjatë një interviste për “Pasditja ime” pasi la të kuptohej se ai mund të rikthehet me ish-partneren e tij me të cilën ka një vajzë.
“Nuk them që ka mbaruar apo ka filluar. Ne kemi raporte të mira, takohemi me vajzën. Po u soll mirë, do t’a shikojmë.”- tha Stine, 3 muaj pas deklaratës se ai dhe Graciela kishin vendosur t’i jepnin fund marrëdhënies së tyre.
Pas kësaj deklarate, Graciela ka reaguar në profilin e saj në Instagram duke publikuar këngën më të re të Stines dhe i ka uruar suksese, duke treguar kështu se marrëdhëniet mes tyre janë mjaft të mira dhe ajo e mbështet ish-partnerin e saj.
