Që Shkodra është djepi i artit dhe i kulturës, nuk është vënë asnjëherë në dyshim. Kjo është vërtetuar nga talentet që ka nxjerrë dhe që kudo ku kanë shkelur kanë lënë gjurmë. Një nga këto talente, është edhe bukuroshja Mirelë Jakaj, një këngëtare e re në moshë por jo në muzikë. Ajo ka lindur dhe është rritur në Shkodër ku është marrë me muzikë që kur ishte në bankat e,shkollës. E dashuruar pas muzikës dhe e vendosur për të qenë pjesë e,saj, ajo ka marrë pjesë në shumë evente muzikore në Shkodër e Lezhë, duke nxjerrë çdo herë e më shumë në pah, dashurinë e,saj për muzikën. Nuk ka lënë pa realizuar edhe,disa këngë audio, ndërsa për t’u prezantuar për publikun me një klip tërësisht të sajin ajo ka zgjedhur sezonin e verës, një sezon plot risi për muzikën. Mirelë, vjen me klipin e saj të parë por jo të fundit, madje sic na premton ajo vetë do ketë shumë të tillë, që do paraprihen nga një turne që ajo do nisë shumë shpejt jashtë Shqipërisë, turne ky i mundësuar nga producentët e saj që siç duket do ta çojnë bukuroshen shkodrane, drejt suksesit të garantuar. Duke i uruar shumë suksese, ne presim me padurim këto ditë edhe lançimin e klipit të saj, klipin e një “ ylli” të sapo zbuluar si Mirelë Jakaj.
Advertisement