Si ishte për ju 2024 dhe çfarë prisni nga viti i ri 2025?
Vilma Kërçiku, gazetare
Viti 2024 ka qenë disi “kapriçoz” me ulje dhe ngritje, por gjithsesi me më shumë diell sesa re! Padyshim më ka bërë të përjetoj një “lum emocionesh” pasi do bëhem hallë e një mbese së shpejti.
Çfarë pres nga 2025?! Uroj dhe shpresoj vetëm ditë të bardha, me plot shëndet për prindërit, familjen dhe njerëzit e mi të dashur. Po ashtu uroj që në vitin 2025 të dhurojmë më shumë dashuri si shoqëri ndaj njëri-tjetrit (marrë shkas nga krimet e rënda që përjetuam vitin që po lëmë pas), le t’i marrim jetës më të mirën e saj dhe të lumturohemi secili në mënyrën e tij pa ia prishur apo cënuar të drejtat atyre që na rrethojnë apo që në një mënyrë apo tjetër bëhen pjesë e rrugëtimit tonë jetësor.
Ji krenar/krenare për veten! Lufto të arrish atë që do, pasi një ditë do të shkëlqejë ylli në ballë edhe për ty!
P.S. Le ta bëjmë Shqipërinë tonë më të bukur, duke mbështetur atë që ka nevojë për ndihmë dhe duke duartrokituar atë që ia del i/e vetme dhe pse jo t’i shohim dhe vlerësojmë si histori motivuese.
GËZUAR TË GJITHËVE!
2025 sjelltë tek ju gjithçka që ju lumturon dhe asgjë që ju trishton!
Vilma Kërçiku: Një reflektim për 2024 dhe një urim plot shpresë për 2025
Screenshot
