–Vilzana, nuk do përsërisim asnjë pyetje nga intervistat e mëparshme. Pas klipit tënd të fundit “Hatri i dashnisë” e cila ishte një bashkëpunim dhe këngës verore “Sytë e ty” u duk sikur Vilzana u largua pak nga ekranet muzikore. Pse kjo mungesë?
-Unë nuk preferoj të flas shumë për veten. Thonë: Puno në qetësi e lëre suksesin ta bëj zhurmën. Unë jam teper e kënaqur që këngët e mia nuk kanë datë skadence. Gjithsesi muzika live, koncertet dhe gëzimet familjare, këtu ku jetoj në Itali nuk ka munguar asnjë moment duke e parë si primare në këto kohë pandemie.
-Nderkohë qe presim diçka të re për publikim?
-Po patjetër, është një projekt i ri që do dalë shumë shpejt për publikun. Është një surprizë mjaft e bukur pas kësaj mungese apo jo?!
–Fakti që ke ecur kaq shumë në muzikë, sidomos në atë live, koncerte e evente, mund të përkthehet si fat, pune apo këmbëngulje?
-Talent dhe punë.
-Çfarë ka ndryshuar në look-un/ stilin tënd, kohët e fundit?
-Unë jam kameleon. Sot jam brune nesër ndërroj ngjyrë.(Buzëqesh)
-Zëri që të magjeps?
-Ka shumë, s’dua të bej dallime.
–Çfarë i bën njerëzit të zakonshëm dhe çfarë të jashtëzakonshëm?
-Nuk besoj se ka njerëz të jashtëzakonshëm. Ka njerëz më të veçantë por jo të jashtëzakonshëm.
-Çfarë bën për t’ia zbukuruar ditët vetes tënde?
-Uh, shumëçka. Jam tepër aktive si karakter, më pëqen e bukura dhe kam shumë njerëz të dashur rreth meje.
-Cilat janë arritjet që i ke vënë vetes synim në vazhdim?
-Prioritet janë familja dhe shëndeti. Por edhe në muzikë nuk dua të ngel pas. Do gjej mënyrën t’ju befasoj gjithmonë
-I vendos rregulla vetes apo i merr gjërat si të vijnë?
-I dua gjërat që vijnë spontanisht por i vë vetes prioritete.
-Ku të shijon më shumë muzika?
-Kur këndoj live. Muzika e gjallë është dashuri më vete!
-Koha është treguesi më i mirë për…?
-Gjithçka. Duke filluar nga dashuria, vlerat, fama etj.
-E sjell shpesh ndërmend të kaluarën? Çfarë kujton më tepër?
-Fëmijërinë, adoleshencën, shkollën, shoqërinë, jetën pa brenga. Gjithçka pë çfarë jam nostalgjike.
-Një gjë që ne akoma nuk e dimë për ty, por do të ishte mirë ta mësonim?
-Synoj skenat e mëdha, pse jo një ditë do e arrij!
-Dhe në fund, ku do shkojë Vilzana pas kësaj interviste?
-Intervistën po e përfundoj pak para nisjes së të kënduarit live dhe ishte kënaqësi. Faleminderit dhe suksese!
