Është padyshin një prej emrave më të njohur të ekranit shqiptar, që e ka konfirmuar talentin, zotësinë, stilin dhe elegancën sa herë është shfaqur në televizion.
Albana Osmani është prezantuesja e disa formateve të sukseshme televizive në “Top Channel”, që së fundi po mungon.
Ndërkohë që të gjjthë po pyesin se kush është Albana, pse nuk e shohim, çfarë po ndodh me të, ajo befason me një projekt të madh rreth të cilit duket se ka punuar shumë gjatë.
Përmes faqes së saj në Instagram, ylli i televizionit ka bërë të ditur, se tashmë ka realizuar një nga ëndrrat e saj, duke lansuar “Reine Ana”, brendin e çantave të modës së lartë, të dizajnuara nga vetë ajo.
Siç kuptojmë, ky është një brend francez, që ka zgjedhur ta ketë si drejtoreshë artistike piktoren dhe prezantuesen e famshme shqiptare.
Çantat “Reine Ana” janë fine, elegante, me klasë dhe shumë origjinale, tamam si vetë dizenjatorja e tyre, e cila prej vitesh e ka diktuar modën në vend, duke i afruar shqiptarët me trendet më të reja në botë përmes emisioneve të saj tejet të shikuara, si “Kupid”, “Look”, “Waiting for Supermodel”, “Asgjë personale”, etj.
Prezantuesja që nisi studimet në arte vizuale që kur ishte adoloshente, tashmë ndodhet në piramidën e një brendi shumë luksoz çantash l, që shiten online.
Në një prononcim, Osmani thotë se janë vetëm 80 çanta në botë me kodet e tyre, çerifikatat, parametrat dhe kërkesat e industrisë së modës së lartë.
