Një artist i njohur i shumë hiteve dhe këngëve të bukura shqiptare,
ku megjithëse ka vite e vite që jeton në Amerikën e largët ai kurrë nuk e harron pasionin për muzikën shqipe.
Ky është artisti me origjinë nga Traboini i Hotit të Malësisë së Madhe, Gjekë Dushaj, ku deri më tani ka 13 albume
të tij ku 7 prej tyre janë krijuar nga mjeshtri Sokol Vulaj e të tjerat i ka krijuar vetë ai. Dashuria e tij për këngën dhe muzikën ka nisur që në moshën 12 vjeçare në vendlindjen e tij, ndërsa kudo i ftuar nëpër dasma dhe mbrëmje por ka pak kohë që Gjekën e gjen vetëm në studion e tij duke krijuar këngë për të tjerët. Ka shumë këngë që ende sot këndohen e dëgjohen pa pa harruar hitin “Zambaku i bardhë” , ku vetë ai e ka krijuar melodinë, ndërsa ka edhe një duet me artisten Gjyste Vulaj. Artisti ka pagëzuar stydion e tij me emrin e vendlindjes së tij ” Zëri i Traboinit” ku aty kalon një pjesë të mirë të kohës së tij duke kompozuar këngë të bukura shqiptare.
