Baladat e Petro Xhorit tashmë janë bërë himne për zemrat e dashuruara dhe mezi presin që ai të sjellë diçka të re po aq ose më të bukur se e para.
“Për ty” është një baladë shumë e bukur që Petro Xhori ka vetëm pak ditë që e ka publikuar por që është pëlqyer kaq shumë nga të gjithë.
Me Petron kemi folur pak më shumë për muzikën, përdtishmërinë dhe shumë e shumë të pathëna të tjera..!
Fabjola Kuburi:- Petro, vetëm pak ditë ka që është publikuar “Për ty” dhe duket që është pritur mjaft mirë, kanë vërshuar videot, komentet, vlerësimet…!
Petro Xhori:- Jam i lumtur që njerëzit e pëlqejnë muzikën time dhe për këtë di të them vetëm “Faleminderit”, faleminderit pa fund për mbështetjen dhe pritjen e ngrohtë që më jepni sa herë që sjell një këngë të re.
-Pse ia vlen “Për ty”?
-Ndoshta këtë përgjigje nuk mund ta jap unë, por që mendoj se është muzikë shpirti prandaj ia vlen .
-A është kjo këngë një dedikim?
– Po është dedikim këtë herë prandaj e ka dhe titullin e tillë.
– Sa kohë kishe që merreshe më realizimin e këngës? Kush tjetër ka meritë në suksesin e kësaj kënge dhe klipi?
-U bë gati një muaj që merremi muzika si gjithmonë Irkenc Hyka dhe Jojo ndërsa video është realizur nga Marin Mikeli!
-Cila është kënga që kur shkon në koncertet publiku e kërkon përsëri e përsëri?
-Është kënga ime e parë” Prej teje” (Qesh) Tani që po e mendoj me titulllin e paskam përsëritur pak veten!
-Muzika, fama edhe paraja janë të lidhura ngushtë më njëra-tjetrën. Ti, pa cilën nga këto të treja do të mund të jetoje?
-Muzika ushqen shpirtin, paraja stomakun.A bëhet ti kem të dyja kto?(Qesh)
-Më mirë të jetosh një ëndërr, apo një realitet të hidhur, ashtu si në këngë?
– Më mirë të jetosh një realitet, i hidhur ose jo mjafton që ta jetosh. Ëndrrat janë në momentet që bëhet muzik ose flihet gjum.(Qesh)
– Ndërkohë që të njohim si një djalë të talentuar në muzikë, ç’di të bësh tjetër?
– Aaah kjo pyetja më pëlqeu! S’e di por që besoj se do kisha qenë një kuzhinier shumë i zoti!(Buzëqesh)
– Ka ndryshuar shoqëria për ty tani që je bëre i njohur? Mos më thuaj se tani e pi kafen vetëm në ambjente “in”..!
– Jam i njejti Petro me të njejtat rutina, e pi kafen pranë studios kështu që se di, nuk është se i kam këto probleme!
-Femra ideale për ty duhet të jetë…
-Duhet të jetë 1.78 me flokë të zeza sterrë, sytë blu (Qesh) Shaka. Mjafton që të na bëjë zemra bam!
Cila është dëshira më e madhe që ke të parealizuar?
-Muzika është dëshira ime më e madhe dhe shyqyr Zotit kjo gjë po pëlqehet kështu që mund të them se po e realizoj dalëngadalë!
-Kur u zgjove këtë mëngjes, bëre telefonatën e parë me…
– Akoma s’e kam bërë asnjë telefonatë deri tani! (Qesh)
– Mesazhi më i çuditshëm që ke marrë nga ndjekësit e tu..?
– Ishte një grua që më thoshte “të dashuroj” gjatë gjithë kohës e mesazheve që dërgonte, që s’e njihja fare por që shkruante shumë!
– Më thuaj si do e mbyllim këtë intervistë..!
-Fabi je shumë e mirë dhe Intervista is the best…!
