I mbani mend aventurat e vogëlushit Bink?
“Baby’s Day Out”, është një film që askush nuk dëshiron ta humbasë, sa herë që transmetohet në televizion.
I publikuar në vitin 1994, ky film ishte bërë një hit i madh. Historia e filmit sillet rreth një foshnje 2 vjeçare, e cila është rrëmbyer nga 3 burra. Si arrin të shpëtojë prej tyre dhe si u jep atyre një mësim, e shumëçka tjetër na shpalos ky super film.
Kanë kaluar 25 vite që kur filmi është transmetuar për herë të parë, por a e dini ju se si duket tani 2 vjeçari (Bink)? Ndoshta nuk e keni ditur mirëpo, jo një, por dy njerëz e kishin luajtur rolin e fëmijës në këtë film. E pra, karakteri i Bink është luajtur nga binjakët Jacob Joseph Worton dhe Adam Robert Worton.
Tani, ata janë rritur dhe janë bërë shumë të pashëm. “Baby’s Day Out” është filmi i vetëm në të cilin ata kanë luajtur, teksa nuk ka informacione se me çfarë merren ata tani.
