Kafe kur je e stresuar? Funksionon vetëm për gratë

Sipas një studimi anglez, efektet e kafesë kur të duhet të përballosh një situatë stresuese kanë lidhje me seksin. Në fakt, sipas disa studiuesve të Universitetit të Bristolit, kafeina i ndihmon gratë të punojnë më mirë dhe t’i kryejnë punët me më shumë shpejtësi, edhe kur janë nën stres. Përkundrazi, kafeja në një situatë stresante i bën burrat më pak të kthjellët. Në studim janë marrë 64 pjesëmarrës, burra e gra, pirës të kafesë të universitetit, me një moshë mesatare 22 vjeç. Janë ndarë në çifte të të njëjtit seks dhe janë ngarkuar me punë për të bërë, si për të përpiluar kontrata, pastaj për të bërë një prezantim publik të rezultateve. Disave u është dhënë kafe normale, disave pa kafeinë. Gratë që kishin marrë kafeinë janë treguar më bashkëpunuese dhe ia kanë dalë të kryejnë punën e ngarkuar me 100 sekonda më parë se çiftet e grave që kishin pirë dekafeinato. Përkundrazi, burrat që kishin marrë kafeinë kishin grumbulluar një vonesë prej 20 sekondash në kryerjen e detyrave në krahasim me kolegët e tyre që nuk e kishin marrë. Cila është arësyeja e këtij ndryshimi? Studiuesit mendojnë se ka të bëjë me faktin se gratë i përgjigjen stresit duke bashkëpunuar, ndërsa burrat, në mënyrën e kundërt.