Drilond Tahiri me prejardhje është nga Theranda ish Suhareka por që prej vitit 1998 jeton në München të Gjermanisë. Shkollën fillore e mbaroi në Suedi ndërsa atë profesionale e përfundoi në Gjermani. Nga dëshira e madhe për të kënduar tek ai që i vogël është vërejtur talenti për muzikë, ka marrë pjesë në shumë programe shkollore e nëpër kore të ndryshme por për shkaqe personale gjatë fëmijërisë nuk ka pasur mundësi të ndjekë ëndërrat për t’u bë këngëtarë. Pop dhe R&B janë kryesisht zhanret në të cilat ai e gjenë veten por që synim i tij është që në të ardhmen të punojë më shumë në këtë drejtim dhe të sjellë sa më shumë këngë të reja. Gjatë vitit të kaluar në qershor ai publikoi videoprojektin me titull ‘Kallxom ku je’ ndërsa në nëntor edhe një tjetër me titull ‘Mos kërko falje’ për të vazhduar më tej me videoklipin e ri të titulluar ‘Ti’ që e ka hedhur në tregun muzikorë dje e që po shënon një sukses bukur të mirë.
