Make-up artist e vipave Merita Merja, flet për tendencat e verës
Merita Merja, është grimierja dhe parukierja më e dashur për personazhet publike në Shqipëri, Kosovë e më gjerë. Në këtë prag vere, ajo vjen me këshillat e saj për tendencat e fundit në flokë, grim, ngjyrat që dominojnë dhe modelet më në modë për këtë sezon. Gjithashtu ajo na tregon edhe për angazhimet e saj të suksesshme gjatë kësaj kohe. Lexoni!
-Cilat janë modelet e flokëve që sugjeron Merita për verën e 2018-s, duke qenë se konsiderohesh edhe parukierja dhe mak-up artistja e vipave?
– Përshëndetje dhe faleminderit që jeni gjithmonë të interesuar për këshillat e mia. Përsa i përket flokëve do t’ju pyesja që në fillim: Dëshironi të ndryshoni pamje? Provoni flokët lejla e errët. Kjo ngjyrë është një nga tendencat për vitin 2018.Mund të shkojnë mjaft dhe me prerjet e shkurtra të flokëve, por edhe ato mesatare e të gjatë. Lejlaja është një nuancë e thellë dhe transformuese me efekt të madh. Flokët e gjatë me ngjyrë lejla mund ti kombinoni mjaft bukur me një baluke, ndërsa tek flokët e shkurtër shkon shumë lejlaja e errët. Edhe nuanca e ngrohtë e lejlasë është e mrekullueshme për flokët e gjatë dhe me onde. Bjonde platin është rikthyer sërish në vëmendje e me sa duket është shumë e dashur nga të famshmit. Një ngjyrë e përsosur si në verë ashtu edhe në dimër. Çfarë po prisni për t’ia lejuar vetes ta provoni?
Bjonde e “pisët” Nuk po flas për ato flokët e bardhë si të “djegur” në diell. Por për atë ngjyrën platin të lehtë e me rrënja më të errëta. Një ngjyrë e cila nuk ju kërkon as shumë angazhim.
Roza mijëvjeçare, duke filluar me hije të lehta të kuarcit dhe pastaj duke arritur në një rozë të vendosur. Vazhdon të jetë ngjyra e momentit. Ajo është një ndër hijet më të preferuara të modeleve.
-Po kur ngjyrat janë të errëta?
– E errët? Nuk ka problem! Nëse flokët tanë janë të errët, është e rëndësishme të zgjedhim një ngjyrë që i përshtatet ngjyrës së lëkurës sonë. Ndërsa fillojmë nga një ton i errët në rrënjë,duhet të shmangim t’i ndriçojmë shumë skajet, në mënyrë që të dukemi sa më natyrale.
E kuqe për të guxuar: nuk kemi pasur kurrë guximin t’i lyejmë flokët me këtë ngjyrë, por do të na pëlqente të shikonim efektin që kjo ngjyrë do të kishte tek ne? Le të provojmë me shatush, efekti do të jetë befasues dhe sigurisht shumë në modë.
– Personazhet publike që frekuentojnë sallonin tënd, duan të dinë rreth tendencave apo jo? Kush nga ato është më e pavendosur kur ti i jep një ide?
– (Buzëqesh) Po të gjitha personazhet e njohura që janë tashmë frekuentuese të rregullta të sallonit tim prej vitesh natyrisht kërkojnë këshillat e mia dhe të gjitha bien dakord me mua sepse unë i njoh tashmë dhe e di se çfarë duan, sidomos ato që guxojnë. Nuk dua të përmend emra sepse kam frikë se do harroj ndonjë e nuk dua të krijoj hatërmbetje. Për mua të gjitha janë shumë të mira dhe shumë të dashura.
-A kanë lidhje modelet e flokëve me ngjyra të caktuara?
-Patjetër që po, gjithçka realizohet në bazë të modelit, gjatësisë dhe formës së fytyrës.
– Si duket këtë verë paska fuqi ngjyra apo jo?
– Fuqia e ngjyrës është e jashtëzakonshme këtë verë si në flokë ashtu edhe në grim.
– Po në make-up, cilat janë tendencat e grimit të verë 2018?
-Buzët transparente apo shumë mat të cilat kombinohen me sytë e errët dhe të theksuar, apo dhe përdorimi i penelit me tonalitete të ndryshme janë disa nga tendencat më të fundit që shohim të përdoren jo vetëm nga të famshmet shqiptare, por kudo në botë. Linja të vendosura dhe nuanca të theksuara alternohen me pamjen natyrale të lëkurës të cilat duhet të jenë perfekte.
-Po ngjyra e fytyrës si duhet të jetë?
– Ngjyra e lëkurës së fytyrës nuk duhet të jetë e errët, dhe tendencat e buzëve anojnë më shumë nga ngjyra nude.
– Sytë?
– Sytë duhet të jenë sa më të theksuar dhe sugjeroj të përdoren qerpikë fallco. Të gjitha ngjyrat e ylberit do të kenë një përdorim të madh në të gjitha tonalitetet e tyre. Nuk do të ketë mungesë as të ngjyrave të tilla si blu elektrike apo e verdhë neoni, për t’u shndërruar në një femërtë guximshme çdo ditë.
– Vajzat, kur vijnë në sallonin tuaj jo vetëm ato të njohurat, ju lejojnë të vendosni për to apo kanë ide të qarta për ngjyrën që duan?
-Varet, shumica e vajzave vijnë me foto pa e kuptuar se çfarë ngjyre kanë aktualisht, por përgjithësisht unë bëj atë që duhet dhe bie shumë kollaj dakord të bëj atë që duhet. Por ka shumë nga ato që e lënë në dorën time dhe dalin shumë të kënaqura.
– Biznesi yt i fustaneve të nusërisë si po shkon? Po shkolla në Kosovë?
-Mrekullisht mirë. Mendoj se kjo që kam bërë unë është një nga hapat e mi më të rëndësishëm që kam bërë sepse është shumë i lidhur shumë me punën që bëj me parukerinë, estetikën grimin. Klientela që vjen tek unë ka pak a shumë shijet e mia dhe modelet e fustaneve janë aq të bukura, sensual dhe aq elegante. Gjithashtu kjo vlen edhe për fustanet e mbrëmjes tek të cilat kanë gjetur veten të gjitha femrat që janë drejtuar në sallonin tim. Shkolla në Kosovë ecën me ritme të kënaqshme dhe jam vërtet shumë e lumtur për arritjet edhe pse kërkojnë shumë përkushtim unë ia dal, gjithmonë ia dal.
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!
