Përshëndetje doktor! Jam një vajzë 23 vjeçe dhe kohët e fundit unë kam filluar të ndjej diçka të çuditshme. Shpeshherë natën më del gjumi dhe më duket sikur më therr zemra por shpesh edhe në jetën e përditshme më shtërngon dhe ndjej sikur më zihet fryma. Kam lexuar shumë që problemet e zemrës janë shtuar te brezi i ri ndaj dhe kam filluar të kem frikë. Ju lutem pse më ndodh kjo se jam në ankth. Pres përgjigjen tuaj dhe faleminderit paraprakisht.
Dr.Taulant Gishto, kardiolog, klinikaustriake@gmail.com, Rruga 5 maji kompleksi Concord, Tiranë, 0674744777/ 0662770750: Përshëndetje! Fakti që jeni vetëm 23 vjeçe është një element i rëndësishëm pasi kjo do të thotë që nuk kemi moshën si faktor risku. Në këtë situatë e rëndësishme është të ndahet nëse dhimbja vjen nga zemra apo jo. Për të bërë këtë ndarje duhet më shumë informacion në lidhje me ankesat e tua si përshembull lokalizimi i saktë i dhimbjes, mënyra si fillon dhe largohet, përhapja e dhimbjes dhe kohëzgjatja e saj. Duhet saktësuar nëse kjo dhimbje fillon në kushte qetësie, në sforco apo e kombinuar. Pasi kemi përcaktuar natyrën e dhimbjes kalojmë në vlerësimin e faktorëve të tjerë të riskut, nëse ka të tillë siç është hipertensioni, duhani, diabeti dhe anamneza familjare. Pasi është marrë informacioni i detajuar në anamnezë kalohet në ekzaminimin objektiv dhe ekzaminimet standarte joinvazive. Në ekzaminimin objektiv dëgjohet zemra nëse ka apo jo ndonjë zhurmë të mundshme.
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!
