Këngëtari shkodran, Sindrit Bejleri me anë të një postimi ka treguar për ndarjen nga jeta të vajzës së tij. Sidriti fatkeqësisht ka humbur të bijën kur kjo e fundit ka qenë vetëm disa muajshe dhe sot ka vendosur të bëjë një dedikim shumë të ndjerë për të, por duke mos e mposhtur dhimbja, ai ka dhënë dhe një mesazh frymëzues. “Kjo është Sofi Sidrit Bejleri. Them është sepse do vazhdojë të jetë për mua, deri ditën që do mbyll sytë dhe do e takoj andej, dashtë Zoti!
Sot do mbushte 10 vjeçe, por Zoti me plotfuqishmërinë e tij e mori, ashtu dhe siç na e dha…
Dikush mund të thotë, po ky pse na tregon dhimbjen e tij? Nuk e postova për këtë, por desha të krenohem me dhuratën që na e dha Zoti për 19 muaj dhe njëkohësisht t’ju tërheq vëmendjen se kushdo dhe kurdo mund të sprovohet, me të afërmit e tij. Se nuk ikën domosdoshmërisht, plaku para të riut, i sëmuri para të shëndetshmit dhe prindi para fëmijës. Askush nuk është i përjetshëm në këtë jetë. Të Zotit jemi dhe tek ai kthehemi. Qofsh lule e Xhenetit Sofia ime!” shkruan ai.
