Gjithmonë e më i kërkuar dhe gjithmonë e më i famshëm. Po flasim për topmodelin e vogël por shumë të njohur Ardi Klimenta, ku ne mësojmë se ai tashmë po bën reklamë i zgjedhur mes disave njerëzve të famshëm në Zvicër për filmin “SING”. Ky film mjaft i pritur do të jepet si premierë në Zyrih të enjten tjetër në kinematë atje, dhe shqiptari i vogël dhe mjaft simpatik Ardi do të jetë i ftuar në këtë premierë, pasi edhe sapo ka realizuar reklamën i përzgjedhur nga agjensia “Kingfluencers” për këtë film hollivudian që është prodhim i Universal. Mos të na duket çudi kur një ditë ky djalosh mjaft i famshëm të ketë edhe ndonjë ftesë për të qenë edhe aktor, duke ditur se është fëmija në moshën e tij më i famshëm dhe më i famshëm jo vetëm në botën shqiptare por edhe në Europë.
Ardi Klimenta, reklamon filmin në kinematë zviceriane!
