Një lumë i famshëm në Spanjë, uji i të cilit ka ngjyrë të kuqe, vazhdon të ketë rëndësi historike dhe shkencore.
Rio Tinto (Lumi i Kuq) njihet shpesh si vendi ku ka gjasë të ketë filluar Epoka e Bronxit dhe e Bakrit, me minierat e para në zonë që janë krijuar rreth 3000 p.e.s. Historitë për arin dhe për argjendin që janë gjetur atje, kanë tërhequr grupe të ndryshme pushtuesish përgjatë historisë, si romakët dhe maorët. Fakt është se ngjyra e kuqe e ujit ka ardhur pikërisht nga hekuri që gjendet në këtë zonë. Megjithëse uji është i rrezikshëm dhe acid për njerëzit, ai ka joshur biologët, për shkak të numrit të pazakontë të mikroorganizmave që janë gjetur në të. Për astronomët, Rio Tinto, konsiderohet i njëjtë me lumenjtë e Marsit dhe të dhëna nga NASA kanë gjetur disa ngjashmëri mes këtyre dy mjediseve. Teoria e përgjithshme është që, nëse jeta mund të ekzistojë në lumin acid dhe metalik, ajo mund të ekzistojë edhe në kushte të ngjashme, të vështira, në trupa të tjerë qiellorë të sistemit tonë diellor. Rio Tinto gjendet në jugperëndim të Spanjës, në malet andaluziane Sierra de Huelva.
Çudia e lumit të kuq të Spanjës
