Gjarpërinjtë njihen për aftësinë që kanë për të vrarë me helmin e tyre viktima që janë shumë më të mëdha se ata. Megjithatë, jo të gjithë gjarpërinjtë janë helmues, disa thjesht përdorin madhësinë dhe forcën për të vrarë viktimën e tyre. Ja disa informacione për këta reptilë.
– Ekzistojnë afro 3000 lloje gjarpërinjsh, nga të cilët 700 janë helmues. Nga këta 700, 250 janë shumë helmues, sa mund të vrasin edhe njeriun me helmin e tyre. Kur vendosin të godasin, gjarpërinjtë kanë një përqindje suksesi 100%.
– Gjarpërinjtë nuk kanë veshë të jashtëm dhe nuhasin me gjuhë. Ata janë mbuluar me luspa prej keratine, e njëjta proteinë prej së cilës janë të përbërë edhe thonjtë tanë. Disa prej tyre e ndërrojnë lëkurën shumë herë gjatë vitit.
– Shikimi i gjarpërinjve është i dobët, mbase ngaqë ata nuk kanë qepalla. Megjithatë, natyra i ka pajisur me receptorë nxehtësie me të cilët kapin vibracionet.
– Gjarpërinjtë nuk e kafshojnë prenë e tyre, por e gëlltisin të gjithën, falë nofullave të tyre elastike. Ata mund të gëlltisin edhe pre më të mëdha se koka e tyre.
– Gjarpërinjtë zakonisht pjellin vezë të cilat më pas çelin. Megjithatë, disa lloje, si boat dhe gjarpërinjtë me zile, lindin gjarpërinj të vegjël.
– Gjarpërinjtë më të mëdhenj të botës janë pitonët, të cilët mund të arrijnë gjatësinë 10 metra. Ata i vrasin viktimat e veta duke u rrotulluar rreth tyre dhe duke i shtrënguar fort, derisa i mbysin.
– Anakonda që haset në Amerikën Latinë është një nga gjarpërinjtë johelmues. Ai është një nga gjarpërinjtë më të trashë, duke arritur nganjëherë perimetrin 111 cm.
– Gjarpërinjtë e ujit dhe kobrat, kur ndjejnë rrezikun, mund të shtiren sikur kanë ngrodhur. Bile, për të larguar grabitqarët, ata mund të lëshojnë një lloj gazi nga gjendrat anale.
– Lloji Leptotyphlopidae, me madhësi 10 cm, janë gjarpërinjtë më të vegjël në botë.
– Mamba e zezë është gjarpri më i shpejtë në botë. Quhet kështu për shkak të lëkurës së zezë.
– Kobra mbretërore është gjarpri helmues më i gjatë në botë, që mund të shkojë deri në 5.6 metra.
– Gjarpri Oxyranous microlepidotus mendohet se është më helmuesi në botë. Një kafshim i tij i vetëm mund të vrasë 100 njerëz.
