Shpjegimi i endrrave tuaja…

Motra që nuk jeton
– Kam parë në ëndërr motrën time që nuk jeton. Ajo erdhi pas meje në katin e parë të pallatit dhe unë e dija që ishte e vdekur. Ajo kishte jo shumë para në xhep, por mua më dha dy kartmonedha 5 mijë lekëshe, një 2 mijëshe dhe më tha: “Merri, shko ha drekë për veten tënde. Unë fillova të qaja në ëndërr sepse e dija që ajo ishte e vdekur dhe qava nga kujdesi dhe meraku që ajo kishte për mua. Çfarë ka dashur të më tregojë kjo ëndërr?
– Është shumë e qartë që motra ju ka ardhur në ëndërr sepse merakoset realisht për ju. Është një mesazh për ju, që duhet të kujdeseni më shumë për veten, sepse jeta vazhdon, pavarësisht humbjeve, apo mallit për dikë që nuk e kemi më. Një ëndërr e tillë tregon ngushëllim. Ju do ta merrni veten, sepse motrën e keni si një engjëll mbrojtës, ama duhet t’ia dëgjoni fjalën. Nëpërmjet ëndrrës, ajo ju këshillon të kujdeseni për veten. Dreka që ju ka ofruar motra, është shumë pozitive për ju. Ju do ta rimerrni veten, do të ndiheni më e gjallë dhe do të kujdeseni më shumë për veten. Bëjeni për vete edhe motren tuaj që ju vëzhgon dhe dëshiron t’ju shohë të lumtur.