Agjentët e udhëtimit kanë përpiluar një listë me kërkesat më të çuditshme që u janë bërë atyre nga udhëtarë të ndryshëm ndër vite. Ajo është botuar në një raport të publikuar nga Shoqata Amerikane e Agjentëve të Udhëtimit. Disa prej këtyre kërkesave janë befasuese, disa “të veçanta” dhe të tjera, një budallallëk kokë e këmbë. Ja disa prej tyre: “A flasin anglisht në Britani?”, ose “Nuk dua të ulem pranë dritares në avion, sepse sapo kam bërë permanent flokët!”. Ka edhe nga ato kërkesa që kanë lidhje me intimitetin e çifti dhe ndërrimin e çifteve: “A mund të na rezervoni, ju lutem, suitën e muajit të mjaltit për ne dhe një çift tjetër?”, ose nga një tradhtar pa skrupuj: “A mund të më rezervoni dy dhoma në vende të ndryshme të hotelit, një për mua e gruan dhe tjetrën për të dashurën time?”. Ja, edhe një tjetër i paturp: “Dua të martohem në një ishull në Karaibe, martesa në të cilin nuk njihet në SHBA”.
Ja, pra, kërkesat dhe pyetjet me radhë:
– A mund të planifikoni muajin e mjaltit për mua, nusen time dhe time më?
– A mund të garantoni se në dhomën e hotelit nuk ka pasur kurrë kafshë shtëpiake?
– A mund të peshkoj me grep nga kroçera?
– A është marrëdhënia mes nesh njësoj si ajo e një avokati me klientin e vet?
– A fle ekuipazhi brenda anijes?
– Mos i thoni të fejuarës sime se këtu kam çuar edhe ish-gruan time për muajin e mjaltit.
– Do të doja të shkoja diku ku nuk ka… shumë burra.
– Do të doja të takoja Elvisin…
– A do të ketë hije në fytyrën time, në orën 4 pasdite, kur të bëhen fotografitë?
– A do të kujdeseni për qenin tim kur të jem me pushime?
– A ka pagesa autostrade rrugës për në Havai?
– A mund të shkoj në Evropë me rrugë tjetër, përveç detit apo ajrit?
– Do të doja të vizitoja Skocinë dhe Danimarkën në një rrugë (Agjenti i thotë klientit se nuk ka kohë t’i vizitojë të dyja). Po ato janë vetëm 2 centimentra larg në hartë!
– A mund ta rregulloni që balena të hidhet në ujë në të njëjtën kohë kur do t’i propozoj për martesë të dashurës?
– A mund t’i kërkoni shoqërisë ajrore të bllokojë kolltukun afër meje, që të shtrij këmbët?
