– Jam një zonjë që i drejtohem rubrikës suaj. Prej disa vitesh kam vajzën të martuar në Gjermani dhe çifti, për probleme pune, ka jetuar në Shqipëri, ndërsa martesa ligjore është bërë në Gjermani. Pas disa vitesh bashkëjetesë, nga fundi i vitit 2013, ata u divorcuan. Edhe zgjidhja e martesës është bërë në Gjermani. Unë dua të di, a ka të drejtë lejeje qëndrimi vajza ime në Gjermani, ndërkohë që ish-bashkëshorti rezulton me nënshtetësi gjermane? Pres përgjigjen tuaj. Faleminderit.
Av. Alban Duraj, “Duraj Lavv Firm”, email: info@durajlavv.com, cel. 0692737706 & ++35544532512: – Përshëndetje zonjë! Ju falënderoj shumë që kontaktuat me rubrikën tonë, por për çështjen që më shkruani, fatkeqësisht, nuk kam shumë informacion. Nëse jetoni këtu, do të ishte mirë të më kontaktoni drejtpërsëdrejt që të di më me hollësi se çfarë ka ndodhur. Përndryshe, duhet t’i drejtoheni një avokati në Gjermani për këtë problem. Ai do t’ju japë informacionin e duhur sepse çështja e vajzës suaj ka lidhje më shumë me ligjet gjermane sesa me Shqipërinë. Ju falënderoj shumë.
